Gujarati News

Gujarati News

News of Thursday, 14th June 2018

ગાર્બેજ સેન્ટરમાં જીવલેણ અકસ્માત સર્જનાર ટીપરવાન ચાલકની ધરપકડ

રાજકોટ તા. ૧૪: ગઇકાલે રૈયાધાર ખાતેના આરએમસીના ગાર્બેજ સેન્ટર ખાતે કચરા ગાડી રિવર્સમાં આવતાં દબાઇ જતાં કર્મચારી રણજીતભાઇ રામજીભાઇ સાગઠીયા (ઉ.૪૫)નું મોત નિપજતાં અરેરાટી વ્યાપી ગઇ હતી. મકાન, નોકરી, આર્થિક સહાય ન મળે અને ગુનો દાખલ ન થાય ત્યાં સુધી લાશ નહિ સંભાળવાનો મૃતકના પરિવારજનોએ નિર્ણય લીધો હતો. તમામ માંગણી સ્વીકારી લેવામાં આવતાં લાશ સ્વીકારાઇ હતી. આ બનાવમાં ટીપરવેન (કચરા ગાડી)ના ચાલક સામે યુનિવર્સિટી પોલીસે ગુનો નોંધી ધરપકડ કરી છે.

પોલીસે મૃતકના પત્નિ સોનલબેન રણજીતભાઇ સાગઠીયા (ઉ.૪૦)ની ફરિયાદ પરથી કચરા ગાડીના ડ્રાઇવર અનિલ ખીમજીભાઇ વાણીયા (ઉ.૨૫-રહે. વેજાગામ) સામે આઇપીસી ૨૭૯, ૩૩૭, ૩૦૪ (અ), એમવીએકટ ૧૭૭, ૧૦૪, ૧૩૪ મુજબ ગુનો નોંધ્યો છે અને ડ્રાઇવરની ધરપકડ કરી છે. તેની પાસે લાયસન્સ ન હોવાના આક્ષેપો થયા હોઇ પોલીસે વિશેષ પુછતાછ આદરી છે. પીએસઆઇ એચ. બી. ગઢવીએ વિશેષ તપાસ હાથ ધરી છે. (૧૪.૧૧)

(4:24 pm IST)
  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • સુરતના મેયર તરીકે ડો.જગદીશ પટેલની પસંદગી : સ્ટે. કમિટિના ચેરમેન પદે અનિલ ગોપલાણીની નિમણુંકઃ ડે. મેયર તરીકે નિરવ શાહઃ શાસક પક્ષના નેતા તરીકે દયાંશંકરસિંહની વરણી access_time 11:31 am IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST