News of Thursday, 14th June 2018

અનેકવિધ અભિયાનનો છેદ ઉડાવતી તસ્વીર !!

આમ તો સામાન્ય નજરે પડતી આ તસ્વીર કેન્દ્ર સરકાર, રાજ્ય સરકાર અને રાજકોટ મહાનગરપાલિકાની અનેકવિધ યોજનાઓ અને અભિયાનો માત્ર કાગળ ઉપર જ છે તેની ગવાહી આપે છે. આરંભે સૂરા મનપા તંત્ર રોડ - ડીવાઇડર તો ગમે ત્યાં બનાવી નાખે છે પરંતુ બાદમાં રંગરોગાન, મરમ્મત, સુશોભિત પ્લાન્ટેશન સહિતની બાબતો માત્ર કાગળ ઉપર જ રહી જાય છે તે નજરે પડે છે. રૈયા મેઇન રોડ પર આવેલ. આ રોડ ડીવાઇડર બિસ્માર હાલતમાં નજરે પડે છે. રંગબેરંગી ઝાડવાનું રોપણ તો ન થયું પરંતુ કચરો ઠાલવવાની કચરાપેટી બની ગયેલ નજરે પડે છે. કેન્દ્ર સરકારના સ્વચ્છતા અભિયાનનું જાહેરમાં ચિરહરણ થયેલું નજરે પડે છે તો બીજી બાજુ રાજ્ય સરકાર દ્વારા ગૌમાતાનું જતન કરવાની ગુલબાંગો ખોટી સાબિત થઇ રહેલ નજરે પડે છે. ૩૩ કરોડ દેવતા જેમાં રહેલા છે અને સંવેદનશીલ રાજ્ય સરકારના રાજ્યમાં આ ગાયમાતા રોડ ડીવાઇડરમાં ફેંકાયેલ પ્લાસ્ટીકનો કચરો પેટમાં પધરાવી રહેલ નજરે પડે છે.

કિલક - કહાની

તસ્વીર - અહેવાલ

અશોક બગથરીયા

(4:11 pm IST)
  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST