Gujarati News

Gujarati News

News of Thursday, 14th June 2018

શાસ્ત્રી મેદાનમાંથી ગોંડલ ડેપોના એસટી ડ્રાઇવરની દારૂ સાથે ધરપકડ

દાહોદ-ગોંડલ રૂટની બસના ચાલક રાજેશ ડાભી સામે ગુનો

રાજકોટ તા. ૧૪: શાસ્ત્રી મેદાનમાં દાહોદના રાજચરખડીથી ગોંડલ રૂટની એસ. ટી. બસના ચાલક ગોંડલ ડેપોના રાજેશભાઇ શામજીભાઇ ડાભી (ઉ.૪૮-રહે. ૧૫૦ રીંગ રોડ, સોમનાથ સોસાયટી-૨)ને રૂ. ૧૩૦૦ના દારૂના ૧૩ ચપલા સાથે પકડી લઇ કાર્યવાહી કરવામાં આવી છે.

એસ. ટી.ના વિભાગીય સુરક્ષા નિરીક્ષક અજયરાજસિંહ ચંદ્રસિંહ ચુડાસમા મોડી રાત્રે ફરજ પર હતાં ત્યારે રાજચરખડી-ગોંડલ રૂટની બસ આવતાં તેના ચાલક રાજેશભાઇ ડાભી પાસે શંકાસ્પદ થેલો દેખાતાં તપાસ કરતાં અંદરથી દારૂના ૧૩ ચપલા મળતાં કાર્યવાહી કરી એ-ડિવીઝનમાં ગુનો દાખલ કરાવાયો હતો. પીએસઆઇ બી. બી. કોડીયાતર અને સાજીદભાઇએ જરૂરી કાર્યવાહી કરી હતી. પીવા માટે પોતે આ ચપલા લાવ્યાનું તેણે રટણ કર્યુ હતું.

(12:37 pm IST)
  • નાનાનું ધારદાર ટ્વીટઃ પહેલા દિલ્હીવાળા કેજરીવાલ, કેજરીવાલ કરતા હતા : હવે દિલ્હીવાળા હે ભગવાન, હે ભગવાન કરે છે!!! access_time 11:32 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST