News of Thursday, 14th June 2018

૧૮૦૦ મહેસુલી તલાટીઓની ભરતી થશેઃ ઓગસ્ટ સુધીમાં અરજી મંગાવાશે

ર૦૧૬ માં ર૪૪૩ જગ્યાઓ માટે ૮ લાખ ઉમેદવારો નોંધાયેલાઃ ૩૩ ટકા જગ્યાઓ મહિલા અનામતઃ પ્રથમ પ વર્ષ ફીકસ પગાર

રાજકોટ, તા. ૧૩ :. રાજ્યના મહેસુલ વિભાગ દ્વારા બજેટમા જાહેર કર્યા મુજબ ૧૮૦૦ મહેસુલી તલાટીઓની ભરતી માટેની કાર્યવાહી હાથ ધરવામાં આવી છે. ઓગષ્ટ સુધીમાં સરકાર જાહેરાત પ્રસિદ્ધ કરી અરજીઓ મંગાવવા માગે છે. ૨૦૧૬માં મહેસુલી તલાટીઓની ૨૪૪૩ જગ્યાઓ માટે ૮ લાખ જેટલા ઉમેદવારોએ અરજી કરી હતી. આ વખતે ૨૦૧૮માં ૧૮૦૦ તલાટીઓની તથા આવતા વર્ષે ૨૦૧૯માં બીજા ૧૮૦૦ તલાટીઓની ભરતી માટે પ્રક્રિયા થનાર છે.

મહેસુલી તલાટી બનવા માટે ધો. ૧૨ પાસની શૈક્ષણિક લાયકાત જરૂરી ગણાશે. કુલ ૧૮૦૦ જગ્યાઓ પૈકી ૩૩ ટકા જગ્યાઓ બહેનો માટે અનામત રહેશે. હાલ કઈ જાતિની કેટલી બેઠકો રાખવી ? તેની વહીવટી પ્રક્રિયા ચાલી રહી છે. આવતા બે થી ત્રણ મહિનામાં સરકાર ભરતી માટે જાહેરાત પ્રસિદ્ધ કરી અરજીઓ મંગાવશે, ત્યાર બાદ ગૌણ સેવા પસંદગી મંડળ દ્વારા પરીક્ષા લેવામાં આવશે. તલાટી તરીકે પસંદગી પામનાર ઉમેદવારને પ્રથમ પાંચ વર્ષ રૂ. ૧૯૮૦૦ જેટલો ફીકસ પગાર મળશે. ત્યાર બાદ રેગ્યુલર કર્મચારીની જેમ પગાર અને ભથ્થા મળવા પાત્ર થશે. રાજ્યમાં શિક્ષિક બેરોજગારોનું પ્રમાણ ખૂબ મોટુ હોવાથી મહેસુલી તલાટીની ૧૮૦૦ જગ્યાઓ માટે લાખોની સંખ્યામાં ઉમેદવારો થવાની ધારણા છે.(૨-૨૧)

(3:46 pm IST)
  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST