Gujarati News

Gujarati News

News of Friday, 14th May 2021

વિદ્યાર્થી હિતમાં સરકારના નિર્ણયને આશીર્વાદરૂપ ગણાવતા ચેતન રામાણી

રાજકોટ તા. ૧૪ : કોરોનાની પરિસ્થિતિમાં છેલ્લા એક દોઢ વર્ષથી શાળાઓ બંધ હોવાના કારણે બાળકો યોગ્ય શિક્ષણ મેળવી શકયા નથી. તેવા સંજોગોમાં રાજયમાં ૧૦ માં ધોરણમાં ભણતા રેગ્યુલર વિદ્યાર્થીઓને માસ પ્રમોશન આપવા સરકારે કરેલ નિર્ણયને પ્રદેશ ભાજપ કારોબારી સભ્ય અને સૌરાષ્ટ્રના ખેડુત આગેવાન ચેતન રામાણીએ આશીર્વાદરૂપ ગણાવ્યો છે.

સાથો સાથ સંવેદનશીલ સરકારે મા કાર્ડ અને વાત્સલ્ય કાર્ડ પર કોરોના સારવારમાં રૂ.૫ હજાર સધીનો ખર્ચ ફાળવવાનો નિર્ણય તેમજ કોરોના સંક્રમણથી માતા પિતા ગુમાવનાર અનાથ નિરાધાર બાળકોને માસીક રૂ.૪ હજાર સહાય કરવાનો નિર્ણય પણ અભિનંદનીય હોવાનું ચેતન રામાણીએ જણાવેલ છે.

(1:06 pm IST)
  • કાઠમંડુ : કે.પી.શર્મા ઓલી ફરી એકવાર નેપાળના વડાપ્રધાન બન્યા છે. નેપાળના રાષ્ટ્રપતિ સુ. શ્રી વિદ્યા ભંડારીએ નેપાળના બંધારણ હેઠળ સૌથી મોટા પક્ષના નેતા હોવાના કારણે ઓલીને વડાપ્રધાન તરીકે નિયુક્ત કર્યા છે. નેપાળની સંસદમાં વિશ્વાસનો મત ગુમાવ્યા બાદ રાષ્ટ્રપતિએ ગઠબંધન સરકાર બનાવવા માટે ત્રણ દિવસનો સમય આપ્યો હતો, જે આજે પૂરો થયો છે. પરંતુ નેપાળના વિરોધી પક્ષો દ્વારા તમામ પ્રયાસો છતાં બહુમતી મેળવવામાં તેઓ નિષ્ફળ રહ્યા હતા અને સત્તાનું સુકાન ફરી એકવાર કે.પી.શર્મા ઓલીના હાથમા આવી ગયું. access_time 11:11 pm IST

  • રશિયન સરકારે “અંફ્રેન્ડલી સ્ટેટ્સ” ની સૂચિ બહાર પાડી છે જેમાં હવે અમેરિકા અને ચેક રિપબ્લિકનો સમાવેશ થાય છે. ચેક દૂતાવાસને 19 રશિયન નાગરિકો અને અમેરિકી દૂતાવાસોને એકપણ અધિકારી રાખવાની મંજૂરી આપવામાં આવશે નહીં તેમ રશિયન સરકારના સૂત્રોએ જણાવ્યું હતું. access_time 12:48 am IST

  • દેશના અનેક ભાગોમાં તબાહી મચાવી શકે છે વાવાઝોડુ ‘ટૌકતે’ ૧૪ થી ૧૬ મે દરમિયાન કેરળ, કર્ણાટક, તામિલનાડુ અને મહારાષ્ટ્ર સહિત અનેક વિસ્તારોમાં ભારે વરસાદ પડી શકે છે : ૨૦મીએ કચ્છમાંથી પસાર થઈ દક્ષિણ પાકિસ્તાન તરફ આ વાવાઝોડુ ફંટાઈ શકે છે access_time 11:29 am IST