Gujarati News

Gujarati News

News of Friday, 14th May 2021

અક્ષય તૃતીયાના અવસરે ઝવેરીબજાર સુમસામ : સતત બીજા વર્ષે કોરોનાનું ગ્રહણ

મીની લોકડાઉનમાં ઝવેરી બજાર બંધ રહેતા વેપારીઓ અને ગ્રાહકોમાં નિરાશા : જવેલર્સને ધંધો ગુમાવવાનો વારો : કરોડોનો આર્થિક ફટકો

રાજકોટ : અક્ષય તૃતીયાના અવસરે સોના ચાંદી સહિતની શુકનવંતી ખરીદી માટે લોકોમાં ઉત્સાહ જોવા મળતો હોય છે  આ વર્ષે પણ અક્ષય તૃતિયાને કોરોનાનું ગ્રહણ લાગ્યું છે, અને ઝવેરીબજાર સુમસામ જોવા મળી હતી, મીની લોકડાઉનને કારણે સોની વેપારીઓએ ધંધા બંધ રાખ્યા છે ત્યારે વેપાર ધંધા અને બજારો બંધ રહેવાને લીધે સોના-ચાંદીના દાગીના અને જર-ઝવેરાત વેચતા જવેલર્સો તેમજ કંપનીઓને કરોડો રૂપિયાનો આર્થિક ફટકો પડશે.  નાના જવેલર્સનો ધંધો ગુમાવવાને કારણે મોટો ફટકો સહન કરવાનો વારો આવ્યો છે, એશિયાની ગોલ્ડ હબ મનાતી રાજકોટની સોનીબજારમાં પણ હજારો જવેલર્સ -વેપારીઓ સોના-ચાંદીના વ્યવસાય સાથે સંકળાયેલા છે ,ત્યારે આ વર્ષે અક્ષય તૃતીયાના અવસરે સોનીબજાર ખુલવાની આશા હતી પરંતુ રાજ્ય સરકારે મીની લોકડાઉન વધુ એક અઠવાડિયું લંબાવતા નિરાશા સાંપડી હતી ગત વર્ષે પણ અક્ષય તૃતિયાએ લોકડાઉનને લીધે જવેલર્સોને મોટો ફટકો પડયો હતો. આ વર્ષે પણ અક્ષય તૃતિયાએ મીની લોકડાઉન હોવાથી જવેલર્સોને મોટો ફટકો પડશે આમ છેલ્લા બે વર્ષથી અક્ષય તૃતિયાના દિવસે વેપાર બંધ રહેવાને લીધે જવેલર્સોને પડ્યા પર પાટુ સમાન લાગી રહ્યું છે તસ્વીરમાં ઝવેરી બજાર બંધ નજરે પડે છે. (તસ્વીર : સંદિપ બગથરીયા)

(12:21 pm IST)
  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST

  • દસ દિવસમાં પેટ્રોલ-ડીઝલના ભાવ વધારાએ રાડ નખાવી દીધી છેલ્લા દસ દિવસમાં પેટ્રોલમાં પ્રતિ લીટર રૂપિયા ૧.૭૯ અને ડિઝલમાં પ્રતિ લિટર રૂ ૨.૦૪ નો વધારો ઝીંકી દેવાયાનું ન્યુઝફર્સ્ટ જણાવે છે. access_time 10:28 am IST

  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST