Gujarati News

Gujarati News

News of Friday, 14th May 2021

જ્યાં દર વર્ષે ૧ થી ૧ાા લાખ મુસ્લિમો એકત્ર થાય છે તે,

રાજકોટની ઇદગાહ સતત બીજા વર્ષે પણ નમાઝીઓ વિના ખાલીખમ રહેતા બંધ રહી

૮/૯ વાગ્યાના સુમારે એકલ-દોકલ વ્યકિત આવતા રહ્યા પણ નમાઝ થવાની ન હોઇ પરત ફરતા રહ્યા

રાજકોટ : રાજકોટ શહેરની મધ્યમાં ઢેબર રોડ ઉપર આવેલ વર્ષો પૂરાણી મુખ્ય ઇદગાહ ઉપર દર વર્ષે રાબેતા મુજબ સવારે ૯ વાગ્યે ઇદની વિશેષ નમાઝ પઢવામાં આવતી હોય છે પરંતુ મહામારીના લીધે આ વખતે પણ શહેર ઇદગાહ બંધ રાખવામાં આવતા સતત બીજા વર્ષે નમાઝીઓ વિના ઇદગાહ ખાલીખમ જોવા મળી હતી જે તસ્વીરમાં નજરે પડે છે.

જો કે હંમેશા નમાઝનો સમય ૯ વાગ્યાનો સર્વત્ર હોય છે તેમ આજે પણ સવારે એકલ-દોકલ વ્યકિતઓ અહીં નમાઝ પઢવા આવતા રહ્યા પણ નમાઝ થવાની ન હોઇ પરત ફરતા રહ્યા હતા તો બીજી તરફ આ જ ઇદગાહમાં જ્યારે ઇદ હોય છે ત્યારે ત્યાં એકથી દોઢ લાખ મુસ્લિમો ઇદની વિશેષ નમાઝ પઢતા હોય છે અને જેના લીધે સવારથી લઇ બપોરે ૧૨ વાગ્યા સુધી ઇદગાહમાં એકત્ર થતા મુસ્લિમ સમાજના લીધે શહેરમાં સર્વત્ર ઇદનો માહોલ જોવા મળતો હોય છે પણ તે આજે કયાંય જોવા મળ્યો ન હતો.

(11:03 am IST)
  • છત્તીસગઢ સરકાર આ નાણાકીય વર્ષ દરમિયાન કોરોનાને લીધે તેમના માતાપિતા ગુમાવનારા તમામ બાળકોના શિક્ષણનો સંપૂર્ણ ખર્ચ ઉઠાવશે. આ ઉપરાંત 1 થી 8 ધોરણ સુધીના બાળકોને મહિનામાં 500 રૂપિયા અને નવમી થી બારમી સુધીના આવા બાળકોને દર મહિને 1000 રૂપિયાની શિષ્યવૃત્તિ પણ રાજ્ય સરકાર આપશે. access_time 11:27 pm IST

  • રશિયન સરકારે “અંફ્રેન્ડલી સ્ટેટ્સ” ની સૂચિ બહાર પાડી છે જેમાં હવે અમેરિકા અને ચેક રિપબ્લિકનો સમાવેશ થાય છે. ચેક દૂતાવાસને 19 રશિયન નાગરિકો અને અમેરિકી દૂતાવાસોને એકપણ અધિકારી રાખવાની મંજૂરી આપવામાં આવશે નહીં તેમ રશિયન સરકારના સૂત્રોએ જણાવ્યું હતું. access_time 12:48 am IST

  • ચંદીગઢ પોલીસે અધધધ 100 કરોડ રૂપિયાનું 10 કિલો કોકેઇન (ડ્રગ્સ) કબજે કર્યું છે અને કુરિયર દ્વારા આ ડ્રગ્સ ઓસ્ટ્રેલિયા મોકલવાનો પ્રયાસ કરી રહેલા એક વ્યક્તિની ધરપકડ કરી છે. access_time 11:26 pm IST