Gujarati News

રાજકોટ, તા. ૧૪ : આઈપીએલનું સમાપન થયુ છે. રાજકોટમાં આજથી સૌરાષ્ટ્ર પ્રિમીયર લીગનો પ્રારંભ થઈ રહ્યો છે. આઠ દિવસ ચાલનારી આ ટુર્નામેન્ટનો આજે સાંજે મુખ્યમંત્રી શ્રી વિજયભાઈ રૂપાણીના હસ્તે ટુર્નામેન્ટનું લોન્ચીંગ થશે. આ સાથે ભવ્ય આતશબાજી પણ થશે. ક્રિેકેટપ્રેમીઓને મજા - મજા પડી જશે.

ખંઢેરીના મેદાનમાં આજે સાંજે ૬:૩૦ વાગ્યે મુખ્યમંત્રી શ્રી વિજયભાઈ રૂપાણીના હસ્તે ટુર્નામેન્ટનો પ્રારંભ થશે. ત્યારબાદ આતશબાજી થશે. આજે સાંજે ૭:૩૦ વાગ્યાથી હાલાર હિરોઝ અને કચ્છ વોરિયર્સ વચ્ચે પ્રથમ મુકાબલો રમાનાર છે.

એસપીએલ ટી-૨૦ ટુર્નામેન્ટ તા.૧૪ થી ૨૨ મે દરમિયાન સૌરાષ્ટ્ર ક્રિકેટ સ્ટેડિયમ ખંઢેરી ખાતે રમાશે. તમામ મેચમાં દર્શકોને વિનામૂલ્યે પ્રવેશ છે. તમામ મેચનું જીવંત પ્રસારણ સ્ટાર સ્પોટ્ર્સ તેમજ હોટ સ્ટાર પણ થશે. સૌરાષ્ટ્ર પ્રિમીયર લીગની સૌથી મોટી વિશેષતા એ છે કે આ ટી-૨૦ ટુર્નામેન્ટ ક્રિકેટ રસીકોને મીની આઈપીએલ જેવો આનંદ આપશે. આઈપીએલની એસપીએલમાં ચિયર લીડર્સ, ડી.જે. મ્યુઝિક, ક્રિકેટ રસીકોને મનોરંજન પૂરૂ પાડશે. અહિં પણ ચોક્કા - છક્કા દરમિયાન ચિયર લીડર્સ જોવા મળશે.

દરેક ટીમમાં ૧૭ ખેલાડીઓ છે. દરેક ખેલાડીઓ સૌરાષ્ટ્રના છે. તામિલનાડુ, કર્ણાટક અને મુંબઈ બાદ સૌરાષ્ટ્રમાં પ્રિમીયર લીગ લોન્ચ થઈ છે. સૌરાષ્ટ્ર ક્રિકેટ એસો.એ સૌરાષ્ટ્રમાં આ પ્રથમવાર પહેલ કરી છે.