Gujarati News

Gujarati News

News of Wednesday, 14th April 2021

ખોડીયારનગરમાં કારખાનામાંથી દારૂની ૧પ બોટલ સાથે રવી અને દીપક પકડાયા

જીવરાજ પાર્ક પાસેથી નીતીન દારૂની છ બોટલ સાથે ઝડપાયો

રાજકોટ તા. ૧૪: ગોંડલ રોડ ખોડીયારનગરમાં આવેલા કારખાનામાંથી દારૂની ૧પ બોટલ સાથે બે ને માલવીયાનગર પોલીસે પકડી લીધા હતા.

મળતી વિગત મુજબ ગોંડલ રોડ પર આવેલા એક કારખાનામાં દારૂનો જથ્થો પડયો હોવાની માલવીયાનગર પોલીસ મથકના કોન્સ. ભાવેશભાઇ ગઢવી, હરપાલસિંહ જાડેજાને બાતમી મળતા પીઆઇ. કે. એન. ભુકણના માર્ગદર્શન હેઠળ પીએસઆઇ. વી. કે. ઝાલા, હેડ કોન્સ મસરીભાઇ, યુવરાજસિંહ, દિગ્પાલસિંહ, ભાવેશભાઇ, હરપાલસિંહ, મહેશભાઇ, રોહીતભાઇ તથા હિતેષભાઇ સહિતે ગોંડલ રોડ ખોડીયાનગરમાં આવેલા અમીધારા પ્રા. લી. નામના કારખાનામાં દરોડો પાડી તલાશી લેતા ઓફીસની સીડી નીચે છૂપાવેલ રૂ. ૭પ૦૦ની કિંમતની વિદેશી દારૂની ૧પ બોટલ મળી આવતા કારખાનામાં રહેતા દીપક જીવરાજભાઇ સવસાણી (ઉ.વ. ૩૮) અને એસ.ટી. વર્કશોપ પાછળ આંબેડકરનગર શેરી નં. ર ના રવી દીપકભાઇ સારેસા (ઉ.વ. રર) ને પકડી લઇ કાર્યવાહી કરી હતી.

જીવરાજ પાર્કમાંથી દારૂ સાથે નીતીન પકડાયો

તાલુકા પોલીસ મથકના પીઆઇ. જે. વી. ધોળાના માર્ગદર્શન હેઠળ પી.એસ.આઇ. એન. ડી. ડામોર, એએસઆઇ આર. બી. જાડેજા, હેડ કોન્સ. વિજયગીરી ગોસ્વામી, મોહશીનખાન, કોન્સ. અરજણભાઇ હરસુખભાઇ, હર્ષરાજસિંહ અને ધર્મરાજસિંહ સહિત પેટ્રોલીંગમાં હતા ત્યારે પીએસઆઇ એન. ડી. ડામોર, એએસઆઇ. આર. બી. જાડેજા, હેડ કોન્સ. મોહશીનખાનને મળેલી બાતમીના આધારે કાલાવડ રોડ સ્પીડવેલ ચોકની બાજુમાં જીવરાજ પાર્કના ગેઇટ પાસેથી દારૂની છ બોટલ ભરેલા થેલા સાથે નીતીન જયસુખભાઇ મોરીધરા (ઉ.વ.૩૦) (રહે. ભકિતધામ સોસાયટી, ૪૦ ફુટ રોડ) ને પકડી લઇ રૂ. ૯૦૦૦ ની મતા કબજે કરી હતી.

(3:05 pm IST)
  • રાજકોટમાં દાણાપીઠના વેપારીઓનું આવતીકાલ ગુરૂવાર ૧૫ એપ્રિલથી રવિવાર ૧૮ એપ્રિલ ૨૦૨૧ સુધી અડધા દિવસનું સ્વૈચ્છિક લોકડાઉન રહેશે : રાજકોટ દાણાપીઠમાં આવેલી હોલસેલ અને રીટેલની અંદાજે ૨૫૦ જેટલી દુકાનો સવારે ૯ થી બપોરે ૩ વાગ્યા સુધી ખુલ્લી રહેશે તેવુ એસોસીઍશનના હોદ્દેદારો દ્વારા જાણવા મળે છે access_time 5:22 pm IST

  • હોલમાર્ક વગરના સોના - ઝવેરાત અંગે સરકારનો મોટો નિર્ણય : 1 જૂનથી વેચી નહીં શકાય : સરકારે મંગળવારે કહ્યું છે કે તે 1 જૂન 2021 થી ગોલ્ડ જ્વેલરી અને ઉત્પાદનો માટે ફરજિયાત હેલમાર્કિંગ લાગુ કરવા માટે સંપૂર્ણ રીતે તૈયાર છે. ગોલ્ડ હોલમાર્કિંગ કિંમતી ધાતુની શુદ્ધતા માટેનું પ્રમાણપત્ર છે અને હાલમાં સ્વૈચ્છિક છે. access_time 12:16 am IST

  • જામનગર કલેકટરની લોકોને ગંભીર અપીલ : લોકો મહેરબાની કરીને કોરોનાનો પ્રોટોકોલ અનુસરે, અન્યથા કોરોનાની ટ્રીટમેન્ટ નહિ થઈ શકે : હોસ્પિટલના ડોકટરોએ છેલ્લા 8 - 9 દિવસથી આરામ પણ નથી કર્યો : કોવિડ હોસ્પિટલની હાલત પણ ખૂબ ગંભીર બની છે access_time 11:57 pm IST