Gujarati News

Gujarati News

News of Wednesday, 14th April 2021

સિવિલ હોસ્પિટલમાં ભાજપ આગેવાનનું નામ ઇન્જેકશનના ગોરખંધામાં ખુલતાં કોંગ્રેસના બે પૂર્વ કોર્પોરેટરના ધરણાઃ પોલીસે અટકાયત કરી

રાજકોટઃ કોરોનાની મહામારી વચ્ચે લોકોને મદદરૂપ થવાને બદલે ભાજપના આગેવાને કોરોનાની સારવારમાં ઉપયોગી ઇન્જેકશનના કાળા ધંધા શરૂ કર્યાનો પર્દાફાશ થતાં તેના વિરોધમાં આજે શહેર કોંગ્રેસના આગેવાન અને પુર્વ કોર્પોરેટર વિજય વાંક તથા ઘનશ્યામસિંહ જાડેજાએ જ્યુબીલી ચોકમાં મહાત્મા ગાંધીજીની પ્રતિમા પાસે ધરણા યોજી વિરોધ કર્યો હતો. તેણે જણાવ્યું હતું કે પ્રદેશ ભાજપ અધ્યક્ષ સી.આર. પાટીલને પાંચ હજાર ઇન્જેકશન મળી શકે અને સામાન્ય માણસને ઇન્જેકશન મળતાં નથી ત્યારે બીજી તરફ રાજકોટ સિવિલ હોસ્પિટલમાં પડ્યા રહેતાં ભાજપના વગદાર અને કહેવાતા આગેવાન ઇન્જેકશનના ગોરખધંધા કરે છે એ શરમજનક કહેવાય. હોસ્પિટલમાં દર્દીઓને પુરતા બેડ મળતાં નથી અને લોકો હેરાન થઇ રહ્યા છે ત્યારે ભાજપ આગેવાને ઇન્જેકશનના નામે જે કર્યુ તેની સામે કડક કાર્યવાહી થવી જરૂરી છે. ધરણા કરનારા આ બંને પૂર્વ કોર્પોરેટરનો એ-ડિવીઝન પોલીસે અટકાયત કરી હતી. બંનેને પોલીસવેનમાં બેસાડીને લઇ જવાયા હતાં અને કાર્યવાહી કરવામાં આવી હતી.

(3:03 pm IST)
  • ઉત્તર પ્રદેશ પંચાયત ચૂંટણી મોકૂફ રાખવામાં નહીં આવે : આવતીકાલ ગુરુવારે 18 જિલ્લામાં પ્રથમ તબક્કાનું મતદાન : મીડિયા પર પંચાયતની ચૂંટણી મોકૂફ કરવાની ચાલી રહેલી અફવા ઉપર પૂર્ણવિરામ access_time 8:35 pm IST

  • ઉત્તર પ્રદેશમાં સ્થાનિક સ્વરાજ્યની ચૂંટણી સ્થગિત કરવા ભાજપ સાંસદ કૌશલ કિશોરની માંગ : ચૂંટણી આયોગને લખ્યો પત્ર : કોરોનાએ હાહાકાર મચાવ્યો : અનેક જિલ્લાઓમાં સ્થિતિ ખરાબ : લખનૌમાં લોકડાઉન લાદવું પડે તેવી સ્થિતિ :લખનૌના મોહનલાલ ગંજથી ભાજપના સાંસદે કહ્યું -કોરોના બેકાબુ છે,હજારો પરિવારો ઝપટે ચડ્યા છે,સ્મશાનમાં લાશોના ઢગલા છે,ત્યારે ચૂંટણી નહીં લોકોના જીવ બચાવવા જરૂરી છે access_time 1:13 am IST

  • રાજકોટ કોંગ્રેસના દિગ્ગજ નેતા શ્રી ઇન્દ્રનીલ રાજ્યગુરુ થયા કોરોના સંક્રમિત : સારવાર માટે હોસ્પિટલ ખસેડાયા access_time 7:57 pm IST