Gujarati News

Gujarati News

News of Wednesday, 14th April 2021

ત્રંબામાં કોરોનાથી સંક્રમિતોની સંખ્યા ૧૦૦ ઉપરઃ ૧૦ દિવસમાં ૪ મોત

પોઝિટિવ હોવા છતાં કવોરન્ટાઇન તોડી બહાર નીકળતાં દંપતિ સામે ગુનો નોંધાયો

રાજકોટ તા. ૧૪: શહેર ઉપરાંત રાજકોટના ગ્રામ્ય વિસ્તારોમાં પણ કોરોનાએ ભરડો લઇ લીધો છે. ત્રંબામાં હાલ કોરોના પોઝિટિવ હોય તેવા લોકોની સંખ્યા ૧૦૦ ઉપર થઇ ગઇ છે. છેલ્લા દસ દિવસમાં જ ચાર લોકોનો ભોગ લેવાઇ ચુકયો છે. સંક્રમણ અટકાવવા સરપંચ નિતીનભાઇ રૈયાણીએ અગાઉથી જ અડધા દિવસનું લોકડાઉન અમલી બનાવ્યું છે. તે મુજબ સવારે ૭ થી બપોરના ૦૨ સુધી જ બજારો ખુલ્લી રાખી શકાય છે. બપોરના બેથી સંપુર્ણ લોકડાઉન પાળવામાં આવી રહ્યું છે. આમ છતાં સંક્રમિતો વધી રહ્યા હોઇ આરોગ્ય તંત્રમાં ચિંતા જન્મી છે. ત્રંબાથી જી. એન. જાદવના કહેવા મુજબ અમુક લોકો કોરોના પોઝિટિવ હોઇ કવોરન્ટાઇનમાં રખાયા હોવા છતાં બેદરકારી દાખવી રહ્યા છે અને બિન્દાસ્ત બહાર આટો મારવા નીકળી પડે છે. પીએસઆઇ જી. એન. વાઘેલા અને ટીમે ગઇકાલે ઓચીંતું ચેકીંગ કરતાં કવોરન્ટાઇન ભંગ બદલ ત્રંબાનું દંપતિ જયેશભાઇ મોહનભાઇ બારસીયા અને ચંદ્રીકાબેન જયેશભાઇ બારસીયા ઘરને બદલે બહાર નીકળ્યાં હોઇ આઇપીસી ૨૭૧, ૧૮૮ તથા જીપીએકટ ૧૩૫ મુજબ ગુનો નોંધી કાર્યવાહી કરવામાં આવી છે.

(11:44 am IST)
  • રાજકોટ કોમોડિટી એક્સચેન્જના CEO શ્રી પી.બી. પાઠકનું દુઃખદ અવસાન : કોરોના સામે જંગ હારી ગયા : રાજકોટનું વધુ એક રત્ન કોરોનાએ છીનવી લીધું access_time 11:20 pm IST

  • ઉત્તર પ્રદેશમાં સ્થાનિક સ્વરાજ્યની ચૂંટણી સ્થગિત કરવા ભાજપ સાંસદ કૌશલ કિશોરની માંગ : ચૂંટણી આયોગને લખ્યો પત્ર : કોરોનાએ હાહાકાર મચાવ્યો : અનેક જિલ્લાઓમાં સ્થિતિ ખરાબ : લખનૌમાં લોકડાઉન લાદવું પડે તેવી સ્થિતિ :લખનૌના મોહનલાલ ગંજથી ભાજપના સાંસદે કહ્યું -કોરોના બેકાબુ છે,હજારો પરિવારો ઝપટે ચડ્યા છે,સ્મશાનમાં લાશોના ઢગલા છે,ત્યારે ચૂંટણી નહીં લોકોના જીવ બચાવવા જરૂરી છે access_time 1:13 am IST

  • ઉત્તર પ્રદેશમાં કોરોનાએ કાળોકેર વર્તાવ્યો : રાજ્યના 12થી વધુ આઈએએસ અધિકારીઓ કોરોના સંક્રમિત : સીએમ કાર્યલયમાં પણ કોરોના ઘુસ્યો : યોગી આદિત્યનાથની ઓફિસમાં કેટલાક અધિકારીઓ અને કર્મચારીઓને કોરોના વળગ્યો access_time 1:03 am IST