Gujarati News

રાજકોટ, તા.૧૪ : મ્યુ. કોર્પોરેશનમાં મેલેરિયા ઇન્સ્પેકટરોની બઢતી તથા ભરતીના નિયમો સુધારવા અંગે પછાત વર્ગ મ્યુ. કર્મચારી મંડળ દ્વારા રાજયના શહેરી વિકાસ વિભાગના અગ્રસચિવને રજૂઆત કરાઇ છે.

આ રજુઆતમાં જણાવાયું છે કે 'રાજકોટ મહાપાલિકામાં મેલેરિયા ઇન્સ્પેકટરની જગ્યામાં ભરતીના નિયમો વર્ષો જૂના છે. તેને સુધારવા માટે આરોગ્ય અધિકારીશ્રીએ અભિપ્રાય આપેલ છે.

સુપિરિયર ફીલ્ડવર્કરને બઢતી આપીને મેલેરિયા ઇન્સ્પેકટરની ભરતી કરવા જનરલ બોર્ડે ઠરાવથી મંજૂરી આપી છે, પરંતુ ઇન્સ્પેકટર કલેકટર જે સુપિરિયર ફીલ્ડ વર્કરના સમકક્ષ છે તેનો બઢતી-ભરતી નિયમોમાં ઉલ્લેખ નથી આથી જનરલ બોર્ડના ઠરાવમાં વિસંગતતા ઉભી થઇ છે ત્યારે નિયમો સુધારી આ વિસંગતતા દૂર કરવા રજૂઆત કરાઇ છે.