Gujarati News

Gujarati News

News of Wednesday, 14th February 2018

રવિવારે સમૂહલગ્ન : ૭ દિકરીઓને વિનામૂલ્યે કરીયાવર આપી સાસરે વળાવાશે

ફેમીલી ગ્રુપનું આયોજન : સંતો - મહંતો હાજરી આપશે

રાજકોટ, તા. ૧૪ : ફેમીલી ગ્રુપ દ્વારા આગામી તા.૧૮ના રવિવારે બીજા સર્વ જ્ઞાતીય સમૂહલગ્નનું આયોજન કરવામાં આવેલ છે. જેમાં સાત દિકરીઓને વિનામૂલ્યે ઘરવખરી પૂરીની વસ્તુઓ પૂરી પાડવામાં આવશે. ભગીરથ કાર્ય ફેમીલી ગ્રુપ દ્વારા કરવામાં આવી રહ્યુ છે. સવારે ૬:૩૦ કલાકે સામૈયા, ૮:૩૦ કલાકે હસ્તમેળાપ, ૧૦:૩૦ કલાકે તેમજ ભોજન સમારંભ ૧૧ કલાકે રાખવામાં આવેલ છે. સમૂહલગ્ન જામનગર મેઈન રોડ, દ્વારકાધીશ પેટ્રોલ પંપની સામે, વીવો શો રૂમવાળી શેરી, મનહરપુર-૧ નજીક આવેલા મેદાનમાં રાખેલ છે.

આ પ્રસંગે પૂ. નાથા ભગત ચાવડા, રંઘોળાના પૂ. જેન્તી ભગત, રૈયાધારના શ્રી રાધેશ્યામ બાપુ અને મહિકા ગામના શ્રી દલપતગીરી બાપુ તેમજ મુખ્ય મહેમાનોમાં પોલીસ કમિશ્નરશ્રી અનુપમસિંહ ગહેલોત, સુરતના વાવ તાલુકાના અનિલભાઈ એમ. પટેલ રાજકોટ ડોકટર એસોસીએશનના પ્રમુખ ડો. ભરતભાઈ વેકરીયા ત્યારબાદ તાલુકા પ્રમુખ શ્રી પૃથ્વીરાજસિંહ જાડેજા (ઘોઘુભા) સહિતના હાજરી આપશે.

આ સમૂહલગ્નને સફળ બનાવવા ફેમીલી ગ્રુપ રાજકોટના પ્રમુખ જગદીશભાઈ નાનજીભાઈ સરવૈયા (મો.૯૫૭૪૭ ૭૦૭૪૨), દિલીપભાઈ નાથાભાઈ ગોહિલ (મો.૯૭૧૪૦ ૩૬૫૮૧), કિશોરભાઈ મનસુખભાઈ ચનાબાબા, પ્રવિણભાઈ પોપટભાઈ ચુડાસમા, દક્ષાબેન જગદીશભાઈ સરવૈયા, રમેશભાઈ અરજણભાઈ ચૌહાણ, ભાવનાબેન શ્યામભાઈ પંડિત, ભરતભાઈ બી. હંસોરા અને હિતેષભાઈ પરમાર સહિતના જહેમત ઉઠાવી રહ્યા છે.(

(4:16 pm IST)
  • પાટણના ચાણસ્મા રોડ પર આંગડિયા પેઢીનો કર્મચારી લૂંટાયો : અંબાલાલ હરગોવન આંગડિયા પેઢીમાં છ ઈસમોએ બંદૂક બતાવી એક લાખ રોકડની લૂંટ કરી : ત્રણ શખ્સો પેઢીમાં ઘુસ્યા અને બંદૂકનો ડર બતાવી લૂંટ ચલાવી : લૂંટની જાણ થતા ચાણસ્મા પોલીસે ઘટનાસ્થળે દોડી આવી તપાસ શરૂ કરી access_time 3:43 pm IST

  • મલયાલમ ફિલ્મ 'ઉરુ અદાર લવ'ના એક નાના એવા વીડિયોથી ઈન્ટરનેટ પર સેન્સેશન બની ગયેલી એક્ટ્રેસ પ્રિયા પ્રકાશ અને ફિલ્મના પ્રોડ્યુસર વિરુધ્ધ હૈદરાબાદમાં ફરિયાદ નોંધવાઈ છે, હૈદરાબાદમાં ફિલ્મ રિલીઝ થાય એ પહેલા જ તેના ગીતના કેટલાક શબ્દો પર વિરોધ્ધ થઈ રહ્યો છે. ફરિયાદ નોંધાવનારનુ્ં કહેવું છે કે ગીતના લીધે મુસલમાનોની લાગણીઓને ઠેસ પહોંચી છે. access_time 12:23 pm IST

  • હઇ થઇ ગઇઃ નાગાલેન્ડમાં ભાજપનો અદ્ભૂત ચૂંટણી ઢંઢેરોઃ સત્તા પર આવશું તો તમામ ખ્રિસ્તીઓને જેરૂસલેમની મફત મુસાફરી : આવતા મહિને યોજાનારી નાગાલેન્ડ વિધાનસભાની ચૂંટણી માટે ભાજપે ચૂંટણી ઢંઢેરો બહાર પાડ્યોઃ જો ભાજપ સરકાર આવશે તો તમામ ખ્રિસ્તીઓને મફત જેરૂસલેમની મુસાફરી કરાવશેઃ નાગાલેન્માં કુલ વસતિના ૮૮ ટકા ખ્રિસ્તીઓ છે access_time 3:45 pm IST