Gujarati News

Gujarati News

News of Wednesday, 14th February 2018

રંગીલા સોસાયટીમાંથી રાઘવ અને મનસુખ દારૂ સાથે પકડાયા

સુરેશ ઉર્ફે સુરખી અને ભરતની શોધખોળ

રાજકોટ તા.૧૪: કુવાડવા રોડ પર રંગીલા સોસાયટીમાં કુવાડવા રોડ પોલીસે બાતમીના આધારે દરોડો પાડી દારૂની બે બોટલ સાથે બે શખ્સોને પકડી લીધા હતા.

મળતી વિગત મુજબ કુવાડવા રોડ પોલીસ મથકના હેડ કોન્સ. જયંતીભાઇ તથા વિજેન્દ્રસિંહ ઝાલા સહિત પેટ્રોલીંગમાં હતા ત્યારે બાતમીના આધારે રંગીલા સોસાયટી સરકારી શાળા પાસેથી પસાર થતા જીજે ૩ એફઇ ૯૫૬૮ નંબરના બાઇકમર જઇ રહેલા રાઘવ ઉર્ફે લાલો ધનાભાઇ ખેરાળીયા (ઉ.વ.૪૦) (રહે. રંગીલા સોસાયટી મામાવાડીમાં) અને મનસુખ દેવશી મકવાણા (ઉ.વ.૨૧) (રહે. રંગીલા સોસાયટી)ને દારૂની બે બોટલ સાથે પકડી લીધા હતા. અને પોલીસને જોઇ સુરેશ ઉર્ફે સુરખી ભોપાભાઇ કોળી અને ભરત દેવશી મકવાણા નાશી જતા તેની શોધખોળ આદરી છે.

ભગવતીપરામાંથી આમીર હુસેન પકડાયા

ભગવતીપરા સુખસાગર હોલ પાસેથી બી ડીવીઝન પોલીસ મથકના હેડ કોન્સ વિરમભાઇ સહિતે આમીરહુસેન હબીબભાઇ લાખા (ઉ.વ.૨૨)ને છરી સાથે પકડી લઇ કાર્યવાહી કરી હતી.

દેશી દારૂ સાથે ત્રણ શખ્સો પકડાયા

રાંદરડા તળાવના કાંઠે સાગરનગર મફતીયાપરામાં આજીડેમ પોલીસે દરોડો પાડી રૂ.૮૦ના દેશી દારૂ સાથે મનસુખ શામજીભાઇ સોલંકી (ઉ.૩૮) (રહે.યુવરાજનગર.પરા આજીડેમ ચોકડી પાસે)ને તથા માલવીયાનગર પોલીસે અમરનગર શેરી નં.૧માંથી જીતેન હરીભાઇ કપાસીયા (રહે. પી.ડી.એમ.કોલેજ સામે ઢેબર કોલોની જા.પરા)ને રૂ.૮૦ના દેશી દારૂ સાથે અને અમરનગર મેઇન રોડ બહુચર સ્કુલ વાળી શેરી માંથી વિજય દેવીસીંગ ભાઇ ઝરીયા (રહે. ગોંડલ રોડ રામનગર પાસે લોધેશ્વર સોસાયટી)ને રૂ.૬૦ના દેશી દારૂ સાથે પકડી લીધા હતા.

(12:35 pm IST)
  • પશ્ચિમ બંગાળમાં ૧૪ મુસ્લિમોએ હિન્દુ ધર્મ અપનાવ્યોઃ એક જ પરિવારના ૧૪ લોકોનું ધમાઁતર થતા મળવા ગયેલા પત્રકારો સાથે હિન્દુવાદી સંગઠન આયોજીત કાર્યક્રમમાં બબાલ access_time 8:48 pm IST

  • હઇ થઇ ગઇઃ નાગાલેન્ડમાં ભાજપનો અદ્ભૂત ચૂંટણી ઢંઢેરોઃ સત્તા પર આવશું તો તમામ ખ્રિસ્તીઓને જેરૂસલેમની મફત મુસાફરી : આવતા મહિને યોજાનારી નાગાલેન્ડ વિધાનસભાની ચૂંટણી માટે ભાજપે ચૂંટણી ઢંઢેરો બહાર પાડ્યોઃ જો ભાજપ સરકાર આવશે તો તમામ ખ્રિસ્તીઓને મફત જેરૂસલેમની મુસાફરી કરાવશેઃ નાગાલેન્માં કુલ વસતિના ૮૮ ટકા ખ્રિસ્તીઓ છે access_time 3:45 pm IST

  • રાજસ્થાનમાં આવેલા રણથંભોર નેશનલ પાર્કમાં વાઘની સંખ્યામાં વધારો થયો છે. જાન્યુઆરીમાં પાર્કમાં કુલ ૬૭ વાઘ હતા. તેમાંથી ૨૧ નર વાઘ અને ૨૦ માદા છે. પાર્કના ઈતિહાસમાં આટલા બધા વાઘ ક્યારેય જોવા મળ્યા નથી, એક સમયે વાઘની સંખ્યા ઘટીને 25 થઈ ચુકી હતી. નિષ્ણાંતોના જણાવ્યા પ્રમાણે પાર્કની ક્ષમતા કરતા અહી વાઘની સંખ્યા વધી ગઈ છે. access_time 1:06 pm IST