Gujarati News

Gujarati News

News of Wednesday, 13th January 2021

મ.ન.પા.ને ૧૬૫૦૦ કોરોના વેકસીનની અર્પણવિધી : વાજતે-ગાજતે સ્ટોરમાં મૂકાઇ

સરકારે કલેકટર તંત્રને ફાળયેલ જથ્થામાંથી શહેર માટેની વેકસીનનું બપોરે ૩.૩૦ વાગ્યે મહાપાલિકાના આરોગ્ય વિભાગને લોકાર્પણ : ૮૦૦૦ હેલ્થવર્કરોને આ વેકસીનના બે ડોઝ અપાશે : મનુબેન ઢેબર સેનેટોરિયમમાં આવેલ સ્ટોરેજમાં કુમકુમ તિલક સાથે વેકસીનના જથ્થાનું સ્ટોરેજ કરાયુ

રાજકોટ તા. ૧૩ : સમગ્ર દેશ જેની આતુરતા પૂર્વક રાહ જોઇ રહ્યો હતો. તે કોરોના સામે રક્ષણ આપતી વેકસીનનો જથ્થો અંતે આજે સવારે રાજકોટ શહેર - જિલ્લાને મળી ગયો છે. જેમાંથી શહેર માટેની ૧૬૫૦૦ વેકસીનના જથ્થાની અર્પણવિધિ આજે બપોરે મહાનગરપાલિકાના આરોગ્ય અધિકારીને થઇ હતી.

આ અંગે મ.ન.પા.ના નાયબ આરોગ્ય અધિકારી ડો. રાઠોડના જણાવ્યા મુજબ બપોરે ૩.૩૦ વાગ્યે જિલ્લા કલેકટર તંત્ર દ્વારા મ.ન.પા.ના આરોગ્ય અધિકારીને ૧૬૫૦૦ જેટલા વેકસીન ડોઝની અર્પણવિધી કરાયા બાદ આ વેકસીનના જથ્થાને ઢોલ-નગારા સાથે વાજતે - ગાજતે મ.ન.પા.ના મનુબેન ઢેબર સેનેટોરિયમ (નવી કલેકટર કચેરી સામે) ખાતે આવેલ સ્ટોરેજ લઇ જવાયેલ જ્યાં આરોગ્ય કર્મચારી બહેનોએ રસીના જથ્થાનું કુમકુમ તિલક સાથે સ્વાગત કરાયેલ અને ત્યારબાદ જથ્થાને સ્ટોરેજમાં મુકવામાં આવ્યો હતો.

ડો. રાઠોડના જણાવ્યા મુજબ સરકારશ્રીની ગાઇડલાઇન મુજબ આ વેકસીનના બે ડોઝ મ.ન.પા.ના કુલ ૮૦૦૦ જેટલા હેલ્થવર્કરોને આપવામાં આવશે.

(4:08 pm IST)
  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • ભાજપને હરાવવા ડાબેરી મોરચા તથા કોંગ્રેસ સાથે ગઠબંધન કરવાની મમતા દીદીની ઓફરનો ફિયાસ્કો : બંને પાર્ટીએ ઓફર નકારી કાઢી : કોંગ્રેસે ગઠબંધન કરવાને બદલે ટીએમસી પાર્ટીનું કોંગ્રેસમાં મર્જર કરી દેવાની સલાહ આપી : ભાજપને એકલા હાથે હરાવી શકવાની ત્રેવડ નહીં હોવાની ભાજપ આગેવાનોની ટકોર access_time 1:30 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST