Gujarati News

Gujarati News

News of Wednesday, 13th January 2021

આઇ.પી.મીશન સ્કુલ પાસે પાઇપ લાઇનમાં ભંગાણઃ પાણીની રેલમ છેલ

વોર્ડ નં.૩નાં લોહાણાપરા, બેડીપરા સહિતનાં વિસ્તારમાં ૩ કલાક મોડું પાણી વિતરણ થયું

યુધ્ધનાં ધોરણે કામગીરીઃ શહેરની આઇ.પી.મીશન સ્કુલ પાસે આજે સવારે પાણીની લાઇનમાં ભંગાણ થતાં તંત્ર દ્વાર યુધ્ધનાં ધોરણે કામગીરી કરવામાં આવી હતી. તે વખતની તસ્વીર(તસ્વીરઃ અશોક બગથરીયા)

રાજકોટ,તા.૧૩: શહેરની આઇ.પી.મીશન સ્કુલ પાસે આજે સવારે ટ્રક જમીનમાં ખુંચી જતા અહીંથી પસાર થતી પાણીની લાઇનમાં ભંગાણ થતા વોર્ડ નં.૩નાં લોહાણા પરા, બેડીપરા સહિતનાં વિસ્તારમાં ૩ કલાક પાણી વિતરણ મોડું વિતરણ થયુ હતુ.

આ અંગેની પ્રાપ્ત માહિતી મુજબ શહેરનાં આઇ.પી.મીશન સ્કુલ પાસે પાણીની પાઇપ લાઇન શીફટીંગની કામગીરી કરવામાં આવી હતી.આ કામગીરી બાદ જમીન પોચી હોવાથી આજે સવારે ટ્રક ખુંચી જતા અહીંથી પસાર થતી ૧૫૦ ડાયા મીટરની પાણી વિતરણની લાઇન ભંગાણ સર્જાતા આસપાસ પાણીની લાઇન રેલમ છેલ થવા પામ્યુ હતુ. આ લાઇન તુટી હોવાનું મ.ન.પા તંત્રને જાણ થતા યુધ્ધનાં ધોરણે લાઇન રીપેરની કામગીરી હાથ ધરવામાં આવી હતી.

આ પાણીની લાઇન તુટતા વોર્ડ નં.૩નાં લોહાણાપરા, બેડીપરા તથા મોચી બજાર સહિતનાં વિસ્તારમાં સવારે ૮ નાં બદલે બપોરે ૧૧ વાગ્યે પાણી વિતરણ કરવામાં આવ્યુ હતુ.

(4:02 pm IST)
  • સાબરકાંઠામાં પ્રતિબંધિત ચાઇનીઝ દોરીનું કમઠાણ, ઇડરમાં ચાઈનીઝ દોરીથી યુવકનું ગળું કપાયું, યુવકને સારવાર માટે ઇડરની હોસ્પિટલમાં ખસેડાયો access_time 4:37 pm IST

  • સીબીઆઈના ઓફિસરો ઉપર ખુદ CBI તૂટી પડી : સીબીઆઈ ઓફિસરો ઉપર સંખ્યાબંધ જગ્યાએ સીબીઆઈએ ખુદે દરોડા પાડયાના અહેવાલ મળી રહ્યા છે. ન્યુઝ ફર્સ્ટના અહેવાલ મુજબ વિગતો સત્તાવાર મેળવાઈ રહી છે. access_time 4:19 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST