Gujarati News

Gujarati News

News of Wednesday, 13th January 2021

માતા કારખાનેથી કામ કરી ઘરે આવી ત્યાં ૧૪ વર્ષની દિકરી લટકતી મળી

નવાગામમાં બે ભાઇની એકની એક બહેનનો ગળાફાંસો ખાઇ આપઘાતઃ પિતા પણ હયાત નથીઃ ઘરે એકલી હતી ત્યારે પગલુઃ કારણ જાણવા પોલીસની તપાસ

રાજકોટ તા. ૧૩: નવાગામ આણંદપરમાં રંગીલા સોસાયટી મેઇન રોડ પર રહેતી સંજના અજયભાઇ ઉદેશી (ઉ.વ.૧૪) નામની વાંજા પરિવારની દિકરીએ એંગલમાં મફલર બાંધી ગળાફાંસો ખાઇ આપઘાત કરી લેતાં પરિવારમાં અરેરાટી વ્યાપી ગઇ છે.

આપઘાત કરનાર સંજના બે ભાઇની એકની એક નાની બહેન હતી અને ધોરણ-૯માં ભણતી હતી. તેના પિતા હયાત નથી. ગઇકાલે બંને ભાઇઓ કામે ગયા હતાં અને માતા કારખાનામાં કામ કરવા ગઇ હતી. માતા હંસાબેન સાંજે ઘરે આવી ત્યારે દરવાજો અંદરથી બંધ હોઇ ખખડાવવા છતાં નહિ ખોલાતાં પડોશીઓને બોલાવી દરવાજો તોડીને જોતાં લાડકવાયી એકની એક દિકરી લટકતી જોવા મળી હતી.

લોકોએ તેણીને નીચે ઉતારી હતી અને બેભાન હાલતમાં સિવિલ હોસ્પિટલે ખસેડી હતી. પરંતુ અહિ મોત નિપજ્યું હતું. હોસ્પિટલ ચોકીના સ્ટાફે કુવાડવા રોડ પોલીસને જાણ કરતાં પીએસઆઇ જે. કે. પાંડાવદરા અને સંજયભાઇએ જરૂરી કાર્યવાહી કરી હતી.

(3:58 pm IST)
  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • સાબરકાંઠામાં પ્રતિબંધિત ચાઇનીઝ દોરીનું કમઠાણ, ઇડરમાં ચાઈનીઝ દોરીથી યુવકનું ગળું કપાયું, યુવકને સારવાર માટે ઇડરની હોસ્પિટલમાં ખસેડાયો access_time 4:37 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST