Gujarati News

Gujarati News

News of Wednesday, 13th January 2021

ન્યુ સાગર સોસાયટીમાં નોકરી ન મળતા હતાશ થઇ મોહીત સોલંકીએ ફાંસો ખાઇ જીવન ટૂકાવ્યું

યુવાન બે દિવસથી ગુમસુમ રહેતો હતો : પિતાએ દરવાજો તોડીને જોતા પુત્ર લટકતી હાલતમાં નજરે પડ્યો

રાજકોટ,તા. ૧૩: કોઠારિયા રોડ પર ન્યુ. સાગર સોસાયટીમાં રહેતા યુવાને નોકરી ન મળતા હતાશ થઇને ગળાફાંસો ખાઇ આપઘાત કરી લેતા અરેરાટી વ્યાપી ગઇ છે.

મળતી વિગત મુજબ કોઠારીયા રોડ ન્યુ સાગર સોસાયટીમાં રહેતા મોહીત દીલીપભાઇ સોલંકી (ઉવ.૨૨)એ પોતાના ઘરે ઉપરના રૂમમાં છતના હુકમાં સાડી બાંધી ગળાફાંસો ખાઇ લીધો હતો. સવારે પિતા તેને બોલાવવા માટે ઉપરના માળે જતા રૂમનો દરવાજો બંધ હોય, પિતાએ ખખડાવતા મોહીતે દરવાજો ન ખોલતા તેણે દરવાજો તોડીને અંદર જોતા પુત્ર લટકતી હાલતમાં જોવા મળતા દેકારો બોલાવતા પરવિારજનો એકઠા થઇ ગયા હતા અને જાણ કરતા ૧૦૮ ની ટીમે સ્થળ પર પહોંચી તપાસ કરતા તેનું મૃત્યુ નિપજ્યું હોવાનું જણાતા પોલીસને જાણ કરવામાં આવી હતી. જાણ થતા ભકિતનગર પોલીસ મથકના એ.એસ.આઇ ભરતસિંહ સોલંકીએ સ્થળ પર પહોંચી તપાસ હાથ ધરી હતી.

મૃતક મોહીત બે ભાઇમાં મોટો હતો. ઘણા સમયથી તેને નોકરી ન મળતા હતાશ થઇને તેણે આ પગલુ ભર્યું હોવાનું જાણવા મળ્યું છે.

(3:51 pm IST)
  • ૧૫ જાન્‍યુઆરીથી જ શરૂ થશે નવા સંસદ ભવનનું નિર્માણ કાર્ય : ૨૦૨૨માં ગણતંત્ર દિવસ સમારોહનું આયોજન નવા નિર્માણ પામેલા રાજપથ પર થશે access_time 2:44 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • સીબીઆઈના ઓફિસરો ઉપર ખુદ CBI તૂટી પડી : સીબીઆઈ ઓફિસરો ઉપર સંખ્યાબંધ જગ્યાએ સીબીઆઈએ ખુદે દરોડા પાડયાના અહેવાલ મળી રહ્યા છે. ન્યુઝ ફર્સ્ટના અહેવાલ મુજબ વિગતો સત્તાવાર મેળવાઈ રહી છે. access_time 4:19 pm IST