Gujarati News

Gujarati News

News of Wednesday, 13th January 2021

મ્યુ.ફાઈનાન્સ બોર્ડ દ્વારા

મુખ્યમંત્રી શહેરી સડક યોજના અંતર્ગત બીજા હપ્તા માટે ૧૦૦ કરોડ ગ્રાન્ટની ચુકવણીઃ ભંડેરી

રાજકોટઃ ગુજરાત મ્યુનીસીપલ ફાઈનાન્સ બોર્ડના ચેરમેન ધનસુખ ભંડેરીની એક અખબારી યાદીમાં જણાવાયું છે કે દેશના વડાપ્રધાન નરેન્દ્રભાઈ મોદીનામ નેતૃત્વમાં કેન્દ્ર સરકાર તથા અન્ય રાજયોમાં ભાજપા સરકાર દ્વારા સર્વાંગી વિકાસ હાથ ધરવામાં આવી રહ્યો છે અને દેશના મહાનગરો મેગાસીટી અને સ્માર્ટસીટી બની રહ્યા છે. ત્યારે આ હરણફાળ વિકાસની દોટમાં ગુજરાતના મહાનગરોની સાથે નગરપાલીકાઓનો પણ વિકાસ થાય અને અવનવી ટેકનોલોજીથી સજજ બને  તે માટે રાજયના મુખ્યમંત્રી વિજયભાઈ રૂપાણી અને નાયબ મુખ્યમંત્રી નીતિનભાઈ પટેલના માર્ગદર્શન હેઠળ ગુજરાત મ્યુનીસીપલ ફાઈનાન્સ બોર્ડ દ્વારા રાજયની ૮ મહાનગરપાલીકા માટે મુખ્યમંત્રી શહેરી સડક યોજનાના કામો માટે રૂ.૨૦૦ કરોડની ફાળવણી કરવામાં આવેલ, જે પૈકી પ્રથમ હપ્તા પેટે ૫૦ ટકા રકમ એટલે કે રૂ.૧૦૦.૦૦ કરોડની ગ્રાન્ટની ચુકવણી ગત ઓગષ્ટ માસમાં થઈ ગયેલ તેમજ બીજા હપ્તા પેટે રૂ.૧૦૦ કરોડની ગ્રાન્ટની ચૂકવણી કરવામાં આવેલ હતી.

ગુજરાત મ્યુનીસીપલ ફાઈનાન્સ બોર્ડ દ્વારા નગરપાલીકાઓને સમયાંતરે ગ્રાન્ટની ફાળવણી કરી લઘુતમ સાધનોનો મહત્તમ ઉપયોગ થાય અને નાગરીકોના ઓરગ્ય, પરિવહન, જાહેર સફાઈ, પાણી પુરવઠો, ગટર વ્યવસ્થા જેવી બાબતોને પ્રાધાન્ય આપવામાં આવી રહ્યું છે. ત્યારે ગુજરાત મ્યુ.ફાઈનાન્સ બોર્ડ દ્વારા લોકોને પ્રાથમિક સુવિધાઓથી લઈ માળખાકિય અને આંતરમાળખાકિય સુવિધાઓ પ્રાપ્ત થાય  અને શહેરોમાં નવા માર્ગોનું નિર્માણ, ટ્રાફીક સમસ્યાઓ પહોંચી વળવા રસ્તાઓ પહોળા કરવા, ફૂટપાથ સહીત નવા માર્ગો બનાવવા સડકો નમુનારૂપ બને તેવા આશયથી રાજયની ૮ મહાનગરપાલીકાઓને મુખ્યમંત્રી શહેરી સડક યોજનાના કામો અંતર્ગત બીજા હપ્તા પેટે રૂ.૧૦૦ કરોડ ગ્રાન્ટની ચૂકવણી કરવામાં આવી હતી. જેમાં ૮ મહાનગરપાલીકાઓ જેમાં અમદાવાદ મહાનગરપાલીકાને રૂ.૩૭.૦૬ કરોડ, સુરત મહાનગરપાલીકાને રૂ.૩૦.૨૫ કરોડ, વડોદરા મહાનગરપાલિકાને રૂ.૧૧.૩૪ કરોડ, રાજકોટ મહાનગરપાલિકાને રૂ.૮.૯૭ કરોડ, ભાવનગર મહાનગરપાલિકાને રૂ.૪.૧૯ કરોડ, જામનગર મહાનગરપાલિકાને રૂ.૩.૯૭ કરોડ, જુનાગઢ મહાનગરપાલિકાને રૂ.૨.૦૮ કરોડ, ગાંધીનગર મહાનગરપાલિકાને રૂ.૨.૧૪ કરોડ, સહીત કુલ રૂ.૧૦૦ કરોડની ચુકવણી કરવામાં આવી હતી.

અંતમાં ધનસુખ ભંડેરીએ જણાવ્યું હતું કે ગુજરાત મ્યુનીસીપલ ફાઈનાન્સ બોર્ડના માધ્યમથી મહાનગરપાલિકા અને નગરપાલિકાઓના વિ કાસ માટે નાણાપંચ દ્વારા માતબર રકમમાં ગ્રાન્ટ ફાળવી રાજય સરકારે સ્વર્ણીમ સિધ્ધીઓ હાંસલ કરવાનો પ્રયાસ કરેલ છે. ત્યારે મહાનગરપાલિકાઓ અને નગરપાલિકાઓના વિકાસકામો ઝડપથી પુર્ણ થાય તેની જવાબદારી જનપ્રતિનિધિ તરીકે આપણી સૌની બને છે. ત્યારે ગુજરાતની નગરપાલિકાઓને સમૃધ્ધ બનાવી ગુજરાતની વિકાસ યાત્રા આગળ ધપાવવાની ભાજપા સરકારની નેમ હોવાનું યાદીના અંતમાં જણાવાયું છે.

(11:55 am IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST

  • સાબરકાંઠામાં પ્રતિબંધિત ચાઇનીઝ દોરીનું કમઠાણ, ઇડરમાં ચાઈનીઝ દોરીથી યુવકનું ગળું કપાયું, યુવકને સારવાર માટે ઇડરની હોસ્પિટલમાં ખસેડાયો access_time 4:37 pm IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST