Gujarati News

Gujarati News

News of Wednesday, 13th January 2021

રેલનગરમાં ૫૫ મકાન-દુકાનોનું ડિમોલીશન

સંતોષીનગર વિસ્તારમાં ૨૪મી. રોડ પર ખડકાયેલ ૩૯ કાચા-પાકા મકાન, ૧૬ દુકાન તથા ૧ ધાર્મિક ડેરી તોડી દબાણ હટાવી ૨૪મી. નો રોડ ખુલ્લો કરાયોઃ ચુસ્ત વિજીલન્સ પોલીસ બંદોબસ્ત : લોકોનાં ટોળે ટોળા

રેલનગર વિસ્તારમાં સંતોષીનગરમાંથી પસાર થતા રોડ પર ખડકી દેવાયેલ ગેરકાયદે બાંધકામોનું આજે સવારે હાથ ધરાયેલ તે વખતની તસ્વીરો. (તસ્વીર : અશોક બગથરીયા)

રાજકોટ,તા.૧૩: મ્યુ.કોર્પોરેશનની ટાઉન પ્લાનીંગ શાખા દ્વારા આજે સવારે વોર્ડ નં.૩નાં રેલનગરમાં સંતોષી નગર વિસ્તારમાં ૨૪મી.રોડ પર ખડકાયેલ ૩૯ કાચા-પાકા મકાન અને ૧૬ દુકાનોનો તોડી દબાણ હટાવાયા હતા.

આ અંગે મ્યુ.કોર્પોરેશનની સતાવાર યાદીમાં જણાવ્યા મુજબ કમિશનર ઉદિત અગ્રવાલની સૂચના અનુસાર તથા ટાઉન પ્લાનીંગ ઓફિસર શ્રી એમ.ડી.સાગઠીયાના માર્ગદર્શન હેઠળ રાજકોટ મહાનગરપાલિકાની ટાઉન પ્લાનીંગ શાખા દ્વારા આજ તા. ૧૩-૧-૨૦૨૧ના રોજ શહેરના સેન્ટ્રલ ઝોન વિસ્તાર પૈકી વોર્ડ નં. ૩માં ટી.પી. સ્કીમ નં. ૧૯ (રાજકોટ) અને ૨૩ (રાજકોટ) જે સરકારશ્રી દ્વારા પ્રારંભિક મંજુર કરાયેલ છે તે પૈકીનો રેલનગર વિસ્તારમાં પાણી ટાંકા - ફાયર બ્રિગેડ પાસે આવેલ સંતોષીનગર વિસ્તારમાંથી પસાર થતા અને મોરબી રોડને જોડતા ૨૪ મી. ટી.પી. રોડ પર આવેલ ગેરકાયદેસર બાંધકામ દૂર કરવા કાર્યવાહી હાથ ધરવામાં આવેલ અને રોડની લાઇનદોરીમાં આવતે ૩૯-મકાન, ૧૬-દુકાન તથા ૧-ધાર્મિક બાંધકામનું દબાણ દૂર કરી, રસ્તા પૈકીની અંદાજે ૧૧૦૭ ચો.મી. જમીન ખુલ્લી કરવામાં આવેલ છે.

આ કામગીરીમાં ટાઉન પ્લાનીંગ શાખાના સેન્ટ્રલ તથા વેસ્ટ ઝોનનો તમામ સ્ટાફ હાજર રહેલ. આ ઉપરાંત દબાણ હટાવ શાખા, રોશની શાખા, ફાયર એન્ડ ઇમરજન્સી સર્વિસીઝ તેમજ બાંધકામ શાખાનો સ્ટાફ પણ સ્થળ પર હાજર રહેલ તથા આ કામગીરી દરમિયાન કાયદો અને વ્યવસ્થા જળવાય રહે તે માટે વિજીલન્સ શાખાનો સ્ટાફ તથા રાજકોટ શહેર પોલીસ સ્ટાફ સ્થળ પર હાજર રહેલ.  નોંધનિય છે કે, વહેલી સવારથી ડીમોલીશન શરૂ થતાં જ અસરગ્રસ્તોમાં દોડધામ મચી ગઇ હતી. માથાકુટ રકઝકના દ્રશ્યો સર્જાયા હતા. રસ્તામાં આવતા મકાનોમાં અંદાજે ૬ થી ૧૦ ફુટ જેટલા દબાણવાળા બાંધકામોનો ભૂક્કો તંત્રએ બોલાવી દીધો હતો.

(3:41 pm IST)
  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST