Gujarati News

Gujarati News

News of Tuesday, 14th January 2020

મવડીમાં આંબલીની ડાળીને લીધે ડખ્ખોઃ પટેલ વૃધ્ધ અને પુત્રો પર હુમલો

રાજકોટ : મવડીમાં રહેતાં પટેલ વૃધ્ધે પોતાની વાડીના રસ્તા પર આડે આવતી આંબલીની એક ડાળી મજૂર પાસે કપાવતાં બાજુની વાડીવાળાએ વાંધો ઉઠાવી ઝઘડો કરી હુમલો કરતાં વૃધ્ધને તેમજ તેમના દિકરાઓને મુંઢ માર લાગતાં સારવાર લેવી પડી હતી.

તાલુકા પોલીસે આ બારામાં મવડી ગામમાં ખોડિયાર ગેરેજ પાસે રહેતાં અને ખેતી કરી ગુજરાન ચલાવતાં લક્ષમણભાઇ કડવાભાઇ સોરઠીયા (ઉ.વ.૬૫) નામના પટેલ વૃધ્ધની ફરિયાદ પરથી ચતુર હરજીભાઇ, સંજય ચતુરભાઇ, વિપુલ ગોરધનભાઇ, પાંચા હરજીભાઇ અને લલિત ગોરધનભાઇ સામે આઇપીસી ૩૨૪, ૩૨૩, ૫૦૪, ૧૧૪, ૧૩૫ મુજબ ગુનો નોંધ્યો છે. વૃધ્ધે વાડીના રસ્તામાં આવતી આંબલીની ડાળી કપાવતાં આ ડખ્ખો થયાનું પોલીસ ફરિયાદમાં જણાવાયું છે.

(12:43 pm IST)
  • ભાવનગરના બોરતળાવ પોલીસ સ્ટેશનમાં ફરજ બજાવતા અને વિધાનગર પોલીસ લાઈનમાં રહેતા પોલીસ હેડ કોન્સ્ટેબલ આહીર ભીમભાઇ દેસાઈ એ ગળા ફાસો ખાઈ આપઘાત કર્યો access_time 11:11 pm IST

  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST

  • કોંગ્રેસ સાથેના સંબંધો સામાન્ય બનશે કે કેમ એ તો આગામી સમય જ કહેશે: ડીએમકે પાર્ટી વડા એમ. કે. સ્ટાલિન પર ગઠબંધન ધર્મનું ઉલ્લંઘન કરવાનો આરોપ મુકતા આજની કોંગ્રેસના નેતૃત્વ, હેઠળ મળેલ CAA વિરોધી બેઠક માં ડીએમકે પક્ષ હાજર રહેલા નહિ access_time 8:25 pm IST