Gujarati News

રાજકોટ તા. ૧૩ : શહેરના વોર્ડ નં. ૪ માં ટી.પી. સ્ક્રીમ નં. ૧૨,૧૩,૧૫ અને ૩૧ ના ટી.પી. રસ્તાનું મેટલીંગ કરવાના કામે L-1 કોન્ટ્રાકટર શ્રી ક્રિષ્ના કન્સ્ટ્રકશનના ૧૪.૦૦% ઓછા ભાવ મંજુર કરવામાં આવેલ જે તા.૨૮ ઓગસ્ટથી  મંજુરી આપવામાં આવેલ હતી. જે અંતર્ગત સીકયોરીટી ડીપોઝીટની રકમ જમા કરાવી ધોરણસર કરારનામું કરી જવા કોન્ટ્રાકટર શ્રી ક્રિષ્ના કન્સ્ટ્રકશનને પત્રથી અંતિમ નોટીસ પાઠવેલ હતી. પરતું નિયત સમયમર્યાદામાં કોઈ પ્રત્યુત્તર આપવામાં કે કરારનામું કરવામાં ન આવતા મ્યુનિ. કમિશનર બંછાનિધિ પાનીએ આ એજન્સીને ડીસ્કોલીફાય કરેલ છે.

ઉપરોકત તમામ વિગતે કોન્ટ્રાકટર શ્રી ક્રિષ્ના કન્સ્ટ્રકશન દ્વારા કામનું નિયત મુદતમાં કરારનામું કરવામાં આવેલ ન હોઈ ટેન્ડરની શરતો અને સમજુતીના પાલનનું તેઓશ્રીએ ભરપાઈ કરેલ અર્નેસ્ટમની ડીપોઝીટની રકમ રૂ. ૧,૬૨,૦૦૦ જપ્ત કરી શ્રી ક્રિષ્ના કન્સ્ટ્રકશનને રાજકોટ મહાનગરપાલિકાના તમામ કામો માટે આગામી ૩ વર્ષ માટે ડીસકવોલીફાય કરવા મ્યુનિ. કમિશનર બંછાનિધિ પાનીએ હુકમ કર્યો હતો.