Gujarati News

Gujarati News

News of Wednesday, 13th November 2019

ભીમનગરમાં બકુલ રાઠોડ પર હુમલો કરનારા ત્રણને ઘટના સ્થળે લઇ જઇ ઓળખ પરેડ

બકુલે પોતાના ઘર પાસે લઘુશંકા કરવાની ચેતનને ના તેણે બીજા ત્રણ સાથે મળી ધમાલ મચાવી'તીઃ તાલુકા પોલીસે કડક કાર્યવાહી કરી

રાજકોટઃ મોટા મવાના ભીમનગર-૭માં રહેતાં બકુલ નાથાભાઇ રાઠોડ (ઉ.૨૯) નામના યુવાન પર પરમ દિવસે સાંજે ચેતન હસમુખભાઇ રાઠોડ (રહે. વામ્બે આવાસ યોજના કવાર્ટર), સુભાષ જીવાભાઇ રાઠોડ (ઉ.૨૨) તથા દર્શન દિનેશભાઇ રાઠોડ (ઉ.૧૮) (રહે. બંને મુળ સુરેન્દ્રનગર) તથા મુસ્તાક નામના શખ્સે મળી હુમલો કરી ફડાકા મારી ગાળો દઇ માથામાં કાચની બોટલ ફટકારી ઇજા કરી હતી. બકુલના પિતા નાથાભાઇ ગોરાભાઇ ચોૈહાણ (ઉ.૪૯) વચ્ચે પડતાં તેની પણ ધોલધપાટ થઇ હતી. આ અંગે ગુનો નોંધી એએઅસાઇ તૃષાબેન બુહા તથા પૃથ્વીરાજસિંહે તપાસ શરૂ કરી હતી. મુસ્તાક સિવાયના ત્રણેય આરોપી ચેતન, સુભાષ અને દર્શન પકડાઇ જતાં પી.આઇ. વી.એસ. વણઝારા અને ટીમે ત્રણેયને ભીમનગરમાં જ્યાં માથાકુટ કરી હતી ત્યાં લઇ જઇ ઓળખ પરેડ કરાવી હતી. આ વખતે લોકોના ટોળા ભેગા થઇ ગયા હતાં. પોલીસે ત્રણેયને કાયદાનું ભાન કરાવ્યું હતું.

(3:52 pm IST)
  • ગુજરાતમાં ખેડૂતો માટે ૭૦૦ કરોડની સહાયનું પેકેજ- ૩૩ ટકા કરતા વધુ નુકસાન માટે કરાશે સહાય - પિયતમાં ૧ હેકટર દીઠ ૧૩, ૫૦૦ રૂ. ની સહાય અપાશે - બિન પિયતમાં હેકટર દીઠ ૬,૮૦૦ રૂ.સહાય અપાશે - પાકવીમા સિવાય પણ રાજય સરકારે સહાય જાહેર કરી - ૨ લાખ કરતા વધુ ખેડૂતોને મળશે સહાય access_time 5:35 pm IST

  • ઘોર કળીયુગ : ત્રણ દિવસમાં નિવૃત થવાના હતા પિતા : રહેમરાહે નોકરીની લાલચમાં પુત્રએ પતાવી દીધા : છત્તીસગઢમાં જશપુર જિલ્લામાં અનુકંપા પર નિયુક્તિની લાલચમાં એક યુવકે પોતાના પિતાની હત્યા કરી : યુવક અને તેના બે સાગરીતોને પોલીસે ઝડપી લીધા: સન્ના થાણા ક્ષેત્રમાં મહાબીર સાયની હત્યાના આરોપમાં પોલીસે તેના પુત્ર જીવન સાય અને તેના બે સહયોગીની ધરપકડ કરી :સન્નાના જંગલમાં મહાબીર સાયની લાશ મળી હતી access_time 1:11 am IST

  • એનસીપીના અજીત પવારે નિર્દેશ આપ્યા શીવસેના-એનસીપી-કોંગ્રેસ ત્રણેય પક્ષો ખુબ નજીક આવી ગયાઃ ટુંક સમયમાં ત્રણેય સાથે મળી સરકાર રચવા માગણી કરતી જાહેરાત કરશેઃ રાષ્ટ્રપતિ શાસન લદાયા પછીનો મોટો ધડાકો access_time 12:54 pm IST