Gujarati News

Gujarati News

News of Wednesday, 13th November 2019

સોમવારથી ફરી મગફળીની ખરીદી,પ્રારંભે ૫૦ - ૫૦ ખેડૂતોને બોલાવાશે

૧ દિવસ ૩૬૨ ખેડૂતો પાસેથી થયેલ ખરીદી બાદ અટકેલી કામગીરી આગળ વધારાશે

રાજકોટ, તા. ૧૩ :. રાજ્ય સરકાર દ્વારા નાગરિક પુરવઠા નિગમ સંચાલિત ટેકાના ભાવની મગફળી ખરીદી પ્રક્રિયાનો નવેસરથી તા. ૧૮ સોમવારથી પ્રારંભ થનાર છે. અગાઉ સરકારે ૧ નવેમ્બરથી ખરીદી શરૂ કરેલ. તે વખતે જ વાવાઝોડા અને વરસાદની સ્થિતિ સર્જાતા ખરીદી પ્રક્રિયા સ્થગિત કરેલ. તે આવતા સોમવારથી ફરીથી શરૂ થશે. પ્રથમ ૧ દિવસમાં તે વખતે ૩૬૨ જેટલા ખેડૂતો પાસેથી ખરીદી કરવામાં આવી હતી.

મગફળી ટેકાના ભાવ રૂ. ૧૦૧૮ના મણ લેખે વેચવા માટે ૪.૭૧ લાખ જેટલા ખેડૂતોએ ઓનલાઈન નોંધણી કરાવી છે. કમોસમી વરસાદ પછી કેટલા ખેડૂતો મગફળી વેચવા આવે છે ? તે તો ખરીદી શરૂ થયા પછી ખ્યાલ આવશે. ૧૪૫ જેટલા કેન્દ્રો પર ખરીદી શરૂ થશે. દરેક કેન્દ્રમાં પ્રારંભના દિવસોમાં રોજ ૫૦ - ૫૦ ખેડૂતોને મગફળી વેચવા માટે બોલાવવામાં આવશે. વ્યવસ્થા જેમ ગોઠવાતી જાય તેમ ક્રમશઃ ખેડૂતોને બોલાવવાની સંખ્યામાં વધારો કરવામાં આવશે. ખેડૂતોને જાણ કરવા માટે એસએમએસ અને ફોન સહિતની અગાઉની સઘળી વ્યવસ્થા યથાવત રહેશે.

 

(3:37 pm IST)
  • ગુજરાતમાં ખેડૂતો માટે ૭૦૦ કરોડની સહાયનું પેકેજ- ૩૩ ટકા કરતા વધુ નુકસાન માટે કરાશે સહાય - પિયતમાં ૧ હેકટર દીઠ ૧૩, ૫૦૦ રૂ. ની સહાય અપાશે - બિન પિયતમાં હેકટર દીઠ ૬,૮૦૦ રૂ.સહાય અપાશે - પાકવીમા સિવાય પણ રાજય સરકારે સહાય જાહેર કરી - ૨ લાખ કરતા વધુ ખેડૂતોને મળશે સહાય access_time 5:35 pm IST

  • અમદાવાદ કોહીનૂર જૈન શાસનના સુવિશાલ ગચ્છાધિપતિ પ.પૂ.આ.ભ.શ્રી જયઘોષસુરી મ.સા. બપોરે સમાધીપૂર્વક કાળધર્મ પામ્યા : આવતીકાલે સવારે ૮:૩૦ કલાકે દેવવંદન અને ગુણાનુવાદ સભા access_time 4:51 pm IST

  • આંધ્રપ્રદેશની સરકારી શાળાઓમાં અંગ્રેજી માધ્યમ કરવા મામલે સરકાર અને વિપક્ષ આમને સામને :રાજ્યની તમામ સરકારી સ્કૂલોમાં શિક્ષણનું માધ્યમ ઉર્દુ,તેલુગૂથી બદલી અંગ્રેજીમાં પરિવર્તિત કરવાના નિર્ણંય સામે જનસેવા,ભાજપ અને ટીડીપી જેવા પક્ષો ઉપરાંત ઉપરાષ્ટ્રપતિ વૈંક્યા નાયડુએ પણ સરકારની ટિક્કા કરી access_time 1:08 am IST