Gujarati News

Gujarati News

News of Wednesday, 13th November 2019

ભત્રીજાની પાછળ દોડી ગાળો ભાંડનારા શખ્સોને સમજાવવા જતાં દિનેશ કંટારીયા પર પાઇપના ઘા

રોહીદાસપરાના યુવાનને પલો, મુકેશ, સતિષે ફટકારતાં સારવાર લેવી પડી

રાજકોટ તા. ૧૩: કુવાડવા રોડ પર રોહીદાસપરા-૧માં રહેતાં અને મજૂરી કરતાં દિનેશ બીજલભાઇ કંટારીયા (ઉ.૩૦) નામના ચમાર યુવાનને સાંજે લાતી પ્લોટ-૧૧માં પોતાના ભાઇ નારણભાઇના ડેલા પાસે હતો ત્યારે પલો, મુકો, સતિષ સહિતના શખ્સોએ પાઇપથી હુમલો કરી માર મારતાં સારવાર માટે સિવિલ હોસ્પિટલમાં ખસેડાયો હતો.

હોસ્પિટલ ચોકીના સ્ટાફે આ અંગે બી-ડિવીઝન પોલીસને જાણ કરી હતી. દિનેશના કહેવા મુજબ તેનો ભત્રીજો કરણ ટુવ્હીલર હંકારીને નીકળતાં તેને પલા, મુકા સહિતના શખ્સોએ કારણ વગર ગાળો ભાંડી તેની પાછળ દોડી હેરાન કરતાં પોતે આ શખ્સોને સમજાવવા માટે મોટા ભાઇના ડેલા પાસે જતાં પલો સહિતનાએ ધસી આવી હુમલો કર્યો હતો. પોલીસે તેનું નિવેદન નોંધવા તજવીજ કરી હતી.

(1:01 pm IST)
  • મોડીરાત્રે રાજકોટના રાજનગર ચોકમાં બબાલ: દારૂ સાથે બે નામચીન શખ્શોએ આતંક મચાવ્યો: છરી સાથે દુકાનો અને હોસ્પિટલ બંધ કરાવી : ક્રાઇમ બ્રાન્ચ અને માલવિયા પોલીસ ઘટના સ્થળે પહોંચી access_time 12:12 am IST

  • રાજકોટમાં ચાંદી રૂ.૯૦૦ ઉછળી, સોનું રૂ.૧૫૦ વધ્યું ટ્રમ્પે ચીન સામે બોર્ડર એગ્રીમેન્ટની નવી શરત મૂકતાં ટ્રેડવોરનું સમાધાન ટલ્લે ચડતાં વિશ્વમાર્કેટમાં સોનું-ચાંદી સુધરતાં લોકલ માર્કેટમાં અસર જોવા મળીઃ રાજકોટમાં સોનુ ૧૦ ગ્રામના રૂ.૩૯૫૫૦, હોલમાર્કના રૂ.૩૮,૫૦૦ અને ચાંદીના એક કિલોના રૂ.૪૬,૦૦૦ access_time 6:02 pm IST

  • ગુજરાતમાં ખેડૂતો માટે ૭૦૦ કરોડની સહાયનું પેકેજ- ૩૩ ટકા કરતા વધુ નુકસાન માટે કરાશે સહાય - પિયતમાં ૧ હેકટર દીઠ ૧૩, ૫૦૦ રૂ. ની સહાય અપાશે - બિન પિયતમાં હેકટર દીઠ ૬,૮૦૦ રૂ.સહાય અપાશે - પાકવીમા સિવાય પણ રાજય સરકારે સહાય જાહેર કરી - ૨ લાખ કરતા વધુ ખેડૂતોને મળશે સહાય access_time 5:35 pm IST