Gujarati News

Gujarati News

News of Thursday, 13th September 2018

બબ્બે વખતના લગ્ન ભંગાણને લીધે ભાંગી પડેલા મનસુખ ચોહાણનો સળગીને આપઘાત

ખોખડદળ વેલનાથપરાનો બનાવઃ કોળી યુવાન વિધવા માતાનો એક જ આધાર હતો

રાજકોટ તા. ૧૩: કોઠારીયા પાસે ખોખડદળ વેલનાથપરામાં રહેતાં મનસુખભાઇ વાલજીભાઇ ચોૈહાણ (ઉ.૩૭) નામના કોળી યુવાને સળગીને આપઘાત કરી લેતાં પરિવારમાં અરેરાટી વ્યાપી ગઇ છે. બબ્બે વખત લગ્નભંગાણ થતાં એકલવાયા જીવનથી કંટાળીને આ પગલું ભર્યાનું પરિવારજનોનું માનવું છે.

મનસુખભાઇ ચોૈહાણે સાંજે પાંચેક વાગ્યે ઘરે સ્ટવમાંથી કેરોસીન કાઢી શરીરે રેડી કાંડી ચાંપી લેતાંગંભીર રીતે દાઝી જતાં સિવિલ હોસ્પિટલમાં ખસેડાયો હતો. પરંતુ અહિ સારવાર દરમિયાન દમ તોડી દીધો હતો. હોસ્પિટલ ચોકીના સ્ટાફે આજીડેમ પોલીસને જાણ કરતાં એએસઆઇ ભોલાભાઇ સરીયાએ જરૂરી કાર્યવાહી કરી હતી.

આપઘાત કરનાર મનસુખભાઇના પિતા હયાત નથી. તે વિધવા માતા લાભુબેનનો એકનો એક આધારસ્તંભ હતો અને છુટક મજૂરી કરી ગુજરાન ચલાવતો હતો. તેના એક લગ્નમાં છુટાછેડા થયા બાદ બીજી મહિલા સાથે ઘરઘરણું કર્યુ હતું. તેની સાથે પણ છુટુ થઇ જતાં મનથી ભાંગી પડ્યો હતો અને તે કારણે આ પગલું ભર્યાનું તેના નજીકના સગાઓએ જણાવ્યું હતું.

(4:17 pm IST)
  • સુરત;વેડરોડ સિંગણપોર વિસ્તારમાં મહાનગરપાલિકા દ્વારા હાથ ધરાયું ડીમોલેશન; સિંગણપોર ચાર રસ્તા પર આવેલી દુકાનોના પાર્કિંગની જગ્યા પર કરાયેલા દબાણને દૂર કરાયું ;મોટા પ્રમાણ માં ઓટલા હોર્ડિંગસ તોડી પાર્કીંગ ખુલ્લું કરાયું access_time 12:03 am IST

  • રાજુલા પંથકમાં દારૂની બદી નાબૂદ કરો :રાજુલા તાલુકાના 5 ગામોની મહિલાઓ પોહચી અંબરીશ ડેર ના ફામ હાઉસ પર:સાંચબંદર,ખેરા, પટવા, વિક્ટર,પીપાવાવ ધામ સહિત ગામડા ની 200થી વધુ મહિલાઓએ રજૂઆત કરી:ગામડામાં દેશી દારૂ,નશીલા પદાર્થની બોટલનું બે ફામ વેચાણ અટકાવવા કરી રજુઆત:ધારાસભ્ય અંબરીશ ડેર વિધાનસભાના સત્રમા આ મુદ્દો ઉછાળશે access_time 10:58 pm IST

  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST