Gujarati News

Gujarati News

News of Thursday, 13th September 2018

ગુરુ ગયા ગોકુળ વાહે બધુ મોકળું

''સ્વાઇન ફલુ'' અટકાવવાં આરોગ્ય તંત્ર પાસે આયોજન નથીઃ જાગૃતિબેન ડાંગર

મેયર... કમિશનર અમેરિકાનાં પ્રવાસેઃ અધિકારીઓને જલ્સા : ડેંગ્યુ-મેલેરીયામાં બેદરકારી બાદ હવે તંત્ર વાહકો સ્વાઇનફલુ પ્રસરે નહી તે માટે તકેદારી રાખે તે જરૂરીઃ કોંગી કોર્પોરેટરની માંગ

રાજકોટ તા.૧૩: શહેરમાં ડેંગ્યુ-મેલેરીયાનાં રોગચાળાને નાથવામાં નિષ્ફળ ગયેલ કોર્પોરેશનનાં આરોગ્યતંત્રએ હવે ''સ્વાઇનફલુ''નો રોગ વકરે નહી તે માટે અત્યારથી જ અટકાયતી પગલા લેવા માંગ ઉઠાવી છે.

 

રક્ષા અંગે જાગૃતિબેને એક નિવેદનમાં જણાવ્યું છે કે '' રાજકોટની અંદર ડેંગ્યું અને મેલેરીયામાં માત્ર કાગળ ઉપર કામગીરી કરી લોકોને ઉલ્લુ બનાવ્યાં અને હવે ફલુમાં હજુ સુધી કોઇપણ જાતનું આગોતરૂ આયોજન તંત્ર દ્વારા કરવામાં આવેલ નથી. ગઇ કાલે એક દર્દીનું સિવીલ હોસ્પીટલમાં મોત પણ થયેલ છે. ત્યારે જીલ્લાનું આરોગ્ય તંત્ર દોડતું થયું પરંતુ મનપાનું આરોગ્ય તંત્ર હજી સુતુ છે.

સ્વાઇન ફલુ માટે જે જરૂરી પગલા લેવાના હોય જેની સુચનાઓ અને લોકો માહિતગાર થાય તેવા કોઇ પગલા હજુ સુધી લેવામાં આવેલ નથી. કમિશ્નરશ્રી અને મેયરશ્રી અમેરીકાના પ્રવાસે હોય અધિકારીઓને મોજ પડી ગઇ હોય એવું લાગે છે. રાજકોટ સિવીલ હોસ્પિટલમાં હાલ ૮ થી ૧૦ કેસ હોવાનું જાણવા મળેલ છે. જેમાં બહારગામના કેસો પણ છેે, પરંતુ રાજકોટની અંદર આ કેસો લોકોના એક બીજાના સંપર્કમાં આવતા આ રોગ ચાળો વધુ ફેલાય નહી તે માટે મનપા પાસે કોઇપણ જાતનું આયોજન આ કેસો રોકવા માટે નથી. મનપા માત્ર સિવીલ હોસ્પીટલના કેસોની યાદી જોવે છે, પરંતુ પ્રા. દવાખાનાઓમાં તપાસ કરતા નથી જેના લીધે કેસો વધીજવાની સંભાવના રહે છે. ત્યારે લોકોને આ રોગચાળા અંગે માહીતગાર કરવા માટે યુધ્ધના ધોરણે આ કામગીરી ચાલુ કરાવવી જોઇએ જે કામગીરી હાથ ધરવા માંગ છે.(૧.૨૩)

(3:53 pm IST)
  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST

  • સુરત :સ્વાઈન ફ્લુમાં વધુ એક પોઝિટિવ કેસ નોંધાયો:કુલ પોઝિટિવ કેસનો આંકડો 11 થયો :45 વર્ષીય પુરુષનો રિપોર્ટ આવ્યો પોઝિટિવ :હાલમાં 7 લોકો સારવાર હેઠળ access_time 11:57 pm IST

  • રાજુલા પંથકમાં દારૂની બદી નાબૂદ કરો :રાજુલા તાલુકાના 5 ગામોની મહિલાઓ પોહચી અંબરીશ ડેર ના ફામ હાઉસ પર:સાંચબંદર,ખેરા, પટવા, વિક્ટર,પીપાવાવ ધામ સહિત ગામડા ની 200થી વધુ મહિલાઓએ રજૂઆત કરી:ગામડામાં દેશી દારૂ,નશીલા પદાર્થની બોટલનું બે ફામ વેચાણ અટકાવવા કરી રજુઆત:ધારાસભ્ય અંબરીશ ડેર વિધાનસભાના સત્રમા આ મુદ્દો ઉછાળશે access_time 10:58 pm IST