Gujarati News

Gujarati News

News of Wednesday, 12th September 2018

રાજકોટ રેલ્વે ડીવીઝનમાં ૧પ સપ્ટેમ્બરથી ર ઓકટોબર સુધી સ્વચ્છતા જ સેવા પખવાડીયુ મનાવશે

રાજકોટઃ ર ઓકટોબર ર૦૧૮ના રોજ રાષ્ટ્રપિતા મહાત્મા ગાંધીની ૧પ૦ મી જયંતીના અવસરે ભારતીય રેલ્વે ૧પ સપ્ટેમ્બરથી ર ઓકટોબર સુધી સ્વચ્છતા જ સેવા પખવાડીયુ મનાવશે. પશ્ચિમ રેલ્વેના રાજકોટ ડીવીઝનમાં પણ આ પખવાડીયા દરમિયાન રેલ્વેમાં સ્વચ્છતાની જરૂરીયાતને ઉજાગર કરવા બાબતે અભિયાન ચલાવાશે.રાજકોટ મંડળના મંડળ રેલ પ્રબંધક શ્રી પી.બી.નિનાવેની યાદી મુજબ આ સમય દરમિયાન રાજકોટ ડીવીઝનમાં વિવિધ કાર્યક્રમો આયોજીત કરવામાં આવશે. જેમાં રેલ્વે સ્ટેશનો, ટ્રેનો, કચેરીઓ, કોલોનીઓ, કારખાના તેમજ હોસ્પીટલો વગેરેમાં વિશેષ સ્વચ્છતા અભિયાન ચલાવવામાં આવશે. આ ઉપરાંત વોટર બુથ તથા પીવાના પાણીની ગુણવતા, નાળાની સાફસફાઇ, ડસ્ટબીનની પર્યાપ્ત વ્યવસ્થા, કચરાના નિકાલ વગેરે સુનિશ્ચિત કરવા બાબતે વિશેષ ધ્યાન આપવામાં આવશે. આ અભિયાનમાં એનજીઓ તથા અન્ય ચેરીટેબલ સંસ્થાઓ વગેરે પણ ભાગ લેશે. સાથોસાથ આ અભિયાન દરમિયાન રેલ્વે સ્ટેશનો સુધી પહોંચનાર ટ્રેકોની સફાઇનું પણ અભિયાન ચલાવાશે. ગંદકી ફેલાવવા વિરૂધ્ધ નિયમ મુજબ કાર્યવાહી કરાશે તથા દોષીતો પાસેથી યોગ્ય દંડ વસુલાશે. આ સ્વચ્છા પખવાડીયાના દરેક દિવસમાટે એક વિશેષ સંકલ્પના નિર્ધારીત કરવામાં આવી છે.

(4:00 pm IST)
  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • અમદાવાદ :એસ જી હાઇવે પર દૂધ ઢોળવાનો કેસ:સોલા પોલીસે કોગ્રેસના ધારાસભ્ય અલ્પેશ ઠાકોરને નોટિસ ફટકારી :આ કેસમાં અલ્પેશ ઠાકોરની કથિત સંડોવણીને લઈને આપવામાં આવી નોટીસ access_time 12:45 am IST

  • પોલીસના જાપ્તામાંથી 3 આરોપી ફરાર :વાપીની ડુંગરા પોલીસના જાપ્તામાંથી આરોપીઓ નાશી ગયા : આરોપીઓને કોર્ટમાં લઈ જતા કોર્ટ પરિસરમાં જ જીપમાંથી કૂદીને થયા ફરાર: ચોરીના ગુનામાં પોલીસના હાથે ઝડપાયા હતા:ફરાર આરોપીઓને શોધવા જિલ્લાભરની પોલીસ દોડતી access_time 11:27 pm IST