Gujarati News

Gujarati News

News of Wednesday, 12th September 2018

લાલપરી પાસે પોણા બે વર્ષની શ્રધ્ધા પાણી સમજી કેરોસીન પી ગઇઃ મોત

દિકરીના મોતથી લાલપરી પાસે રહેતાં કોળી દંપતિ શોકમાં ગરક

રાજકોટ તા. ૧૨: બાળકો રમતાં-રમતાં ઘણી વખત મુશીબત નોતરી લેતાં હોય છે, અને ઘણીવાર મોત પણ ભેટી જતું હોય છે. લાલપરીમાં એક બાળકી રમતાં-રમતાં પાણી સમજી બોટલમાં ભરેલુ કેરોસીન પી જતાં મોત નિપજ્યું છે.

ગ્રીનલેન્ડ ચોકડી નજીક લાલપરી પાસે બીએમડબલ્યુના શો રૂમ પાછળ રહેતાં સુરેશભાઇ લાલજીભાઇ ભખોરીયા (કોળી) અને શોભાબેન સુરેશભાઇની દિકરી શ્રધ્ધા (ઉ. ૧૮ મહિના) રાત્રે સાડા નવેક વાગ્યે ઘરમાં રમતી હતી ત્યારે બોટલમાં ભરેલુ કેરોસીન પાણી સમજીને પી જતાં સિવિલ હોસ્પિટલમાં ખસેડાઇ હતી. પરંતુ અહિ વહેલી સવારે દમ તોડી દીધો હતો.

હોસ્પિટલ ચોકીના એએસઆઇ હરેશભાઇ રત્નોતરે જાણ કરતાં પીએસઆઇ વી. કે. ઝાલા અને અશ્વિનભાઇએ જરૂરી કાર્યવાહી કરી હતી. સુરેશભાઇ સાડીના કારખાનામાં મજૂરી કરે છે. એકની એક લાડકી દિકરીના મોતથી કોળી દંપતિ શોકમાં ગરક થઇ ગયું હતું. (૧૪.૫)

(3:46 pm IST)
  • વડોદરામાં રાફેલ મુદ્દે કોંગ્રેસની રેલી યોજાઈ :શાહિદ ભગતસિંહ ચોકથી નીકળી રેલી:રેલીમાં રાફેલનું મોડલનું પ્રદશન :પ્રદેશ પ્રમુખ અમિત ચાવડાએ રેલીમાં લીધો ભાગ:કલેક્ટરને આપ્યું આવેદન access_time 11:57 pm IST

  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST

  • સુરત રેન્જ આઈજીએ સુરત રૂરલના 2 પોલીસ અધિકારીને કર્યા સસ્પેન્ડ:માંડવીના ના મહિલા PSI એસ.એમ.માલ તેમજ સુરત રૂરલ એલ.સી.બી પી.આઈ બી.જે.સરવૈયાને કર્યા સસ્પેન્ડ: આર.આર સેલ ની ટીમે રેડ કરી માંડવી વિસ્તારમાંથી ૪૦ લાખથી વધુનો વિદેશી દારૂ ઝડપી પાડ્યો હતો. access_time 11:02 pm IST