Gujarati News

Gujarati News

News of Wednesday, 12th September 2018

લાલ બહાદુર શાસ્ત્રી ટાઉનશીપમાં ગણેશ મહોત્સવ - મહોરમ ધામધૂમથી ઉજવાશે

રાજકોટ, તા. ૧૨ : લાલ બહાદુર શાસ્ત્રી ટાઉનશીપ (મુખ્યમંત્રી આવાસ યોજના, બજરંગ ચોક પાસે, રેલનગર), રાજકોટ દ્વારા જન્માષ્ટમી મહોત્સવ અનેરા ઉત્સાહ સાથે ઉજવવામાં આવેલ. જેમાં મુસ્લિમ સમાજ અને હિન્દુ ધર્મના સહિયારા યોગદાનથી આ પર્વ ઉજવવામાં આવેલ અને હિન્દુ મુસ્લિમ એકતાના દર્શન થયેલ. જન્માષ્ટમીમાં લાલબહાદુર શાસ્ત્રી ટાઉનશીપમાં મુખ્ય ગેટ પાસે ફલોટ બનાવવામાં આવેલ. જેમાં ભગવાન શ્રી કૃષ્ણની કુટીરમાં બિરાજમાન કૃષ્ણ, કૈલાસ પર્વત અને કૃષ્ણ ભગવાનનો ઝુલો બનાવવામાં આવેલ હતો અને મટકી ફોડનો કાર્યક્રમ યોજવામાં આવેલ હતો.

મુસ્લિમ તથા હિન્દુ સમાજના યુવાનોની એકતા દ્વારા કૃષ્ણ જન્મની સાથે એક ધાર્મિક સંગઠન બનાવવામાં આવેલ. જેનું નામ લાલબહાદુર શાસ્ત્રી ટાઉનશીપ ધાર્મિક સંગઠન બનાવવામાં આવ્યુ છે. જેમાં ૪૩થી વધુ ભાઈઓ તથા બહેનોએ નામ નોંધણી કરાવેલ હતી. દરેક હિન્દુ તથા મુસ્લિમ ધમના તહેવારો સાથે મળીને ઉજવશે. જયારે હાલમાં જ આવતા ગણેશ મહોત્સવ તથા મહોરમ જેવા તહેવાર પણ સાથે મળી ઉજવવામાં આવશે.

આયોજનમાં પ્રવિણ ગોગીયા, અરવિંદ ગોગીયા, વિશાલ ટંકારીયા, વિનોદ રાવળદેવ, બાબુભાઈ રાવળદેવ, દાનીસ ઘાંચી, સુનિલ પરમાર, રાહુલ રાજપૂત, અમન જેમલાણી, મુસ્તાક શેખ, જીતુ રાવલ અને મહેશ પરમાર જહેમત ઉઠાવી રહ્યા છે. (તસ્વીરઃ સંદિપ બગથરીયા)(૩૭.૧૨)

(3:43 pm IST)
  • અમદાવાદ :એસ જી હાઇવે પર દૂધ ઢોળવાનો કેસ:સોલા પોલીસે કોગ્રેસના ધારાસભ્ય અલ્પેશ ઠાકોરને નોટિસ ફટકારી :આ કેસમાં અલ્પેશ ઠાકોરની કથિત સંડોવણીને લઈને આપવામાં આવી નોટીસ access_time 12:45 am IST

  • નવી એપલ વોચ-4 લોન્ચ:ઇસીજી ,ઇલેક્ટ્રો કાર્ડિયોગ્રામ જેવા અદભૂત નવા ફીચર્સ:૬૪ બીટ ડ્યુઅલ કોર પ્રોસેસર:એક્સીલેરોમીટર,જાયરોસ્કોપ જેવા નવા ફીચર્સ લોન્ચિંગ ઇવેન્ટ ટ્વિટર ઉપર લાઈવ access_time 12:04 am IST

  • સુરત :સ્વાઈન ફ્લુમાં વધુ એક પોઝિટિવ કેસ નોંધાયો:કુલ પોઝિટિવ કેસનો આંકડો 11 થયો :45 વર્ષીય પુરુષનો રિપોર્ટ આવ્યો પોઝિટિવ :હાલમાં 7 લોકો સારવાર હેઠળ access_time 11:57 pm IST