Gujarati News

Gujarati News

News of Wednesday, 12th September 2018

વ્યાજના ચક્કરમાં ઘર છોડી ગયેલા પુત્રના અપંગ મા-બાપને વ્યાજખોરોનો ત્રાસઃ પોલીસ કમિશ્નર સમક્ષ ધા

પોલીસમેન પણ તારો પુત્ર કયાં છે? તેમ કહી ધમકાવે છેઃ વ્યાજખોરોની યાદી રજુ કરી

રાજકોટ, તા., ૧ર :  મવડી વિસ્તારમાં આવેલા ઓમનગરમાં રહેતા અપંગ મનસુખભાઇ નાનજીભાઇ બોડાએ વ્યાજના ચક્કરમાં ઘર છોડી ગયેલો પોતાનો પુત્ર કયાં છે? તેવા સવાલો કરી વ્યાજંકવાદીઓ તેમને અને તેમના પત્નીને ભયંકર ત્રાસ આપતા હોવાની ફરીયાદ પોલીસ કમિશ્નર સમક્ષ કરી છે. મનસુખભાઇ નાનજીભાઇ બોડાએ લેખીત રજુઆતમાં જણાવ્યું છે કે હું અને મારી પત્ની બંન્ને અપંગ છીએ. મારો પુત્ર મારા કહયામાં વર્ષોથી નથી. આ સંદર્ભે મેં અખબારોમાં જાહેર નોટીસ પણ આપી હતી. તેણે અમુક લોકો પાસેથી વ્યાજે પૈસા લીધા હતા. આ લોકો અમને ખુબ પરેશાન કરે છે. મારો દિકરો પણ તેમના ત્રાસથી, 'મારી ચિંતા કરતા નહિ, મને શોધતા નહિ, હું પૈસાની વ્યવસ્થા કરીને જ પાછો આવીશ' તેમ કહી કયાંક ચાલ્યો ગયો છે. આ પહેલા લોન લઇને પણ વ્યાજના પૈસા ચુકવ્યા હતા. હજુ પણ અમને ખુબ પરેશાન કરે છે. ફોન ઉપર જેમ-તેમ બોલે છે. શાંતિથી કામ કરવા દેતા નથી. તારા છોકરાને બારોબાર પુરો કરી નાખવા અને ઘરને તાળા મારી દેવા ધમકી આપે છે. મારા પુત્રની ગાડી અને પૈસા બધુ જ લઇ લીધું છે. માલવીયા પોલીસ ચોકીમાંથી કર્મચારીઓ મધરાતે આવીને અમારા તથા આસપાસના ઘરો ચેક કરી ' તારા છોકરાને કયાં સંતાડયો છે તેમ કહી ધમકાવે છે' પોલીસમેને ફોન કરી તેમજ રૂબરૂ પોલીસની ગાડી લઇ આવી, 'તારા છોકરાને કહે મારી ગાડી આપી દે' તેમ કહી ધમકાવે છે.

કુલદીપભાઇ ઝાલા, સાગરભાઇ ટાંક, સાગરભાઇ વાંક, અજયભાઇ જાડેજા, પીન્ટુભાઇ, તેજસભાઇ, ઋતુરાજસિંહ, નગીનભાઇ ડાંગર અને કિશનભાઇ ડાંગરનો અમને સતત માનસીક ત્રાસ છે આ બાબતે યોગ્ય કરી અમારી તકલીફનું નિરાકરણ લાવવા વિનંતી છે તેવું મનસુખભાઇએ પોતાની લેખીત અરજીમાં જણાવ્યું છે. (૪.૧૧)

(3:39 pm IST)
  • ગુજરાતના મંત્રી વિભાવરીબેન દવેના પતિ વિજયભાઈ ઉપેન્દ્રભાઈ દવેનું આજ રોજ તારીખ 13/9/2018ના સાંજે દુઃખદ અવસાન થયેલ છે:તેમના અંતિમ વિધિ તારીખ 14/9/2018 ના રોજ સવારે 9.00 કલાકે ભાવનગર ખાતેના નિવાસ સ્થાને રાખેલ છે access_time 11:28 pm IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST

  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST