Gujarati News

Gujarati News

News of Monday, 13th August 2018

મેઘરાજા ફરી પધરામણી કરે તેવા ઉજળા સંજોગો

બંગાળની ખાડીની સિસ્ટમ્સ મજબૂત બની વેલમાર્ક લોપ્રેસરમાં પરિવર્તિત થશે : ચોમાસુધરી પણ ફરી નોર્મલ તરફ આવી જશે : ૧૬મીથી સારા વરસાદના સંજોગો : અશોકભાઈ પટેલ

રાજકોટ, તા. ૧૩ : રીસાઈ ગયેલા મેઘરાજા સૌરાષ્ટ્ર-ગુજરાતની ધરતીને ફરી ભીંજવવા આવે તેવા ઉજળા સંજોગો બની રહ્યા છે. બંગાળની ખાડીની સિસ્ટમ્સ મજબૂત બની વેલમાર્ક લોપ્રેશરમાં પરિવર્તિત થઈ રહી છે. તો ચોમાસુધરી પણ આવતા ત્રણેક દિવસમાં ફરી નોર્મલ તરફ આવી જશે. જેથી હાલના અનુમાન મુજબ તા.૧૬ થી ૧૯ દરમિયાન સૌરાષ્ટ્ર-કચ્છ-ગુજરાતમાં વરસાદના ઉજળા સંજોગો થયા હોવાનું વેધરએનાલીસ્ટ શ્રી અશોકભાઈ પટેલે જણાવ્યું છે.

તેઓએ જણાવેલ કે પશ્ચિમ બંગાળની ખાડીમાં જે અપરએર સાયકલોનીક સરકયુલેશન હતું જે લોપ્રેશરમાં પરિવર્તિત થયુ છે. જે આજે પશ્ચિમ બંગાળના દરિયાકિનારા નજીક છે. તેને અનુસંગિક અપરએર સાયકલોનીક સરકયુલેશન ૫.૮ કિ.મી.ની ઉંચાઈ સુધી છે. હજુ આ સિસ્ટમ મજબૂત બનશે એટલે વેલમાર્ક લોપ્રેશરમાં પરિવર્તિત થશે.

ચોમાસુધરી હાલમાં પંજાબના અમૃતસરથી દિલ્હી, જમશેદપુર અને લોપ્રેસરનું સેન્ટર અને ત્યાંથી મધ્ય પૂર્વ બંગાળની ખાડી સુધી લંબાય છે. હાલમાં ચોમાસુધરીનો પશ્ચિમ છેડો પંજાબ છે. જે ફરી ત્રણેક દિવસમાં નોર્મલ તરફ આવી જશે. આ સિસ્ટમ ઝારખંડ બાદ મધ્યપ્રદેશ તરફ સરકશે અને આવતા દિવસોમાં આ સિસ્ટમના લોપ્રેસરની અસરથી તા.૧૬ થી ૧૯ દરમિયાન સૌરાષ્ટ્ર-કચ્છ-ગુજરાતમાં સારા વરસાદના રાઉન્ડની શકયતા છે. આ રાઉન્ડ સિસ્ટમ આધારીત હોય ૧૫મીના અલગ અલગ વિસ્તારની માત્રા જણાવાશે.(૩૭.૧૫)

(4:16 pm IST)
  • ભારે વરસાદ-પૂરથી બેહાલ અનેક રાજ્યોઃ ૭ રાજ્યોમાં ૭૭૪ના મોત : ભારે વરસાદ અને પૂરમાં સપડાયા દેશના અનેક રાજ્યોઃ ગૃહ મંત્રાલયના જણાવ્યા પ્રમાણે ૭ રાજ્યોમાં ૭૭૪ના મોતઃ ઉત્તરાખંડ - હિમાચલમાં સ્થિતિ વણસીઃ હવામાન ખાતાએ ૧૬ રાજ્યોમાં એલર્ટ જાહેર કરેલ છે access_time 4:04 pm IST

  • રાહુલ ગાંધી હતાશાને કારણે જૂઠું બોલવાની પરાકષ્ટતા સર્જે છે ;રાફેલ ડીલ મુદ્દે રાહુલ ગાંધી પર પલટવાર કરતા ભાજપના નેતા રવિશંકર પ્રસાદે કહ્યું કે યુપીએ સરકારના સમયની તુલનામાં એનડીએ સરકારે નક્કી કરેલ સોદાની કિંમત 9 ટકા ઓછી છે :રવિશંકર પ્રસાદે એમ પણ કહ્યું કે રાહુલ પોતાના જૂઠાણાં ચલાવવા દેશ હિતની પણ પરવા કરતા નથી access_time 12:54 am IST

  • કેરળની સ્થિતિ ગંભીર :રાજનાથસિંહે કર્યું હવાઈ નિરીક્ષણ :100 કરોડના રાહત પેકેજની જાહેરાત : કેન્દ્રીય ગૃહમંત્રીએ ઈડૂક્કી અને એર્નાકૂલમ જિલ્લાઓના પૂર અને ભૂસ્ખલન પ્રભાવિત વિસ્તારનું હવાઈ નિરીક્ષણ કર્યું access_time 4:56 am IST