Gujarati News

Gujarati News

સમાચાર રાજકોટ
News of Friday, 13th July 2018

લાતી પ્લોટના અનિલે પાંચની સામે ૨૫ હજાર વ્યાજ ભર્યુ, છતાં વધુ માંગી હુમલોઃ ભીંતમાં માથું અથડાવ્યું

મિત્રને પૈસા અપાવવામાં વચ્ચે પડ્યો'તોઃ સંજય કોળીએ ઢીકા-પાટુ મારતાં સારવાર હેઠળ

રાજકોટ તા. ૧૩: વ્યાજખોરીનો વધુ એક બનાવ સામે આવ્યો છે. લાતી પ્લોટમાં રહેતાં કોળી યુવાને વ્યાજે લીધેલા ૫૦૦૦ સામે ૨૫ હજાર ચુકવી દીધા છતાં વધુ વ્યાજ માંગી કોળી શખ્સે તેને ઢીકા-પાટુનો માર મારી દિવાલમાં માથુ ભટકાવતાં ઇજા થતાં સિવિલ હોસ્પિટલમાં દાખલ થયો છે.

લાતી પ્લોટ-૧૦માં રહેતો અનિલ ધીરૂભાઇ રાજાણી (ઉ.૨૧) નામનો કોળી યુવાન રાત્રે ઘર પાસે હતો ત્યારે સંજય ચાવડા નામના કોળી શખ્સે આવી ઝઘડો કરી માર મારી માથુ દિવાલમાં ભટકાવી ઇજા કરતાં સારવાર માટે દાખલ થતાં હોસ્પિટલ ચોકીના હરેશભાઇ રત્નોતરે બી-ડિવીઝન પોલીસને જાણ કરી હતી.

અનિલના કહેવા મુજબ પોતે રિક્ષા હંકારી ગુજરાન ચલાવે છે. એકાદ વર્ષ પહેલા હરેશ નામના મિત્રને પૈસાની જરૂર હોઇ સંજય પાસેથી તેને પ હજાર અપાવ્યા હતાં. જેમાં પોતે જામીન હતો. હરેશ હવે મળતો નથી, તેની બદલે તેણે રૂ. ૨૫ હજાર કટકે-કટકે ચુકવી દીધા છે. આમ છતાં સંજય સતત ઉઘરાણી કરતો હોઇ પોતે ગામ મુકીને ભાગી ગયો હતો. ગકાઇલે જ પાછો આવતાં ફરીથી તેણે વ્યાજની ઉઘરાણી કરી હુમલો કર્યો હતો. પોલીસે આ અંગે તપાસ શરૂ કરી છે.

(12:36 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • રાજકોટ:ગોંડલ તાલુકાના પાટીયાળી ગામ નજીક આવેલ મોતીસર ડેમ ઓવરફલો: પાટીયાળીથી રાજકોટ જતાં માર્ગ ઉપર નાલાનું ધોવાણ: ગોંડલના હડમતાળા ગામે ભારે વરસાદને કારણે ચેકડેમો તૂટ્યાં:ગોંડલના રાણસીકી ગામની કમોતડી નદીમાં પુર સાથે બે કાંઠે access_time 11:23 pm IST

  • ગતરાત્રે 9 વાગ્યે રાજકોટની આજી નદી બે કાંઠે :રામનાથ મહાદેવ મંદિરમાં પાણી ફરી વળ્યાં :ન્યારી-1 ડેમ મધ્યરાત્રિ સુધીમાં અડધો ભરાઈ જાય તેવી જોરદાર પાણીની આવક ચાલુ access_time 5:59 pm IST

  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત