Gujarati News

Gujarati News

News of Friday, 13th July 2018

કાલે અષાઢીબીજે મેઘરાજા ધોધમાર વરસશે?

રાજકોટ શહેરમાં છવાયેલા ઘનઘોર વાદળો વચ્ચે હળવો વરસાદઃ કાલે બપોર બાદ સાર્વત્રિક વરસાદની આગાહી : એક સપ્તાહ સુધી દરરોજ કોઈ - કોઈ જગ્યાએ વરસશે : બંગાળની ખાડીમાં હવાનું હળવુ દબાણ ૪૮ કલાકમાં સર્જાશે, જેની ત્રણેક દિવસ બાદ અસર જોવા મળશે : હવામાન ખાતુઃ હવામાનની સંસ્થા સ્કાયમેટ જણાવે છે કે દિલ્હીમાં આજે વરસાદ પડશે

રાજકોટ તા. ૧૩ : છેલ્લા ૨ દિવસથી ગુજરાત સૌરાષ્ટ્રમાં મેઘાવી માહોલ સર્જાયો છે. પરંતુ રાજકોટ શહેરમાં હજુસુધી જરૂરી વરસાદ વરસ્યો નથી. ગઇકાલે સવારથી ઝરમર વરસાદ સાથે રાત્રી સુધીમાં માત્ર પ મીમી વરસાદ નોંધાયો હતો પરંતુ કુદરતનો કરિશ્મા એવો થયો કે રાત્રે સાડા આઠ વાગ્યા થી રાજકોટ શહેર વચ્ચે પસાર થતી લોકમાતા આજી સુધીમાં ઘોડાપુર આવ્યા હતા અને તંત્ર તથા લોકોમાં દોડધામ મચી ગઇ હતી. રાજકોટમાં વરસાદ નહી હોવા છતા નદીમા ઘોડાપુરથી ભારે આશ્ચર્ય સર્જાયેલ આ જ પ્રકારે ન્યુ રાજકોટમાં પાણી પુરૂ પાડતા ન્યારી - ૧ ડેમમાં પણ એકી સાથે ૯ ફુટ પાણી  આવ્યુ હતુ અને રાજકોટને પાણી પુરૂ પાડતા ભાદર ડેમમાં પણ ૨.૩૫ ફુટ નવા નીરની આવક થઇ હતી. 

આ અંગેની વિગતો મુજબ  ગઇકાલે ગોંડલ જેતપુર સહિતના વિસ્તારોમાં મેઘરાજા વરસતા રાજકોટને પાણી પુરૂ પાડતા  ભાદર અને ન્યારી ડેમમાં નવા નીર આવતા લોકોમાં હર્ષની લાગણી ફેલાઇ છે.

રાજકોટના ન્યારી - ૧ ડેમમાં ગઇકાલ  સાંજથી આજ સવાર સુધીમાં ૩૫૦ એમસીએફટી નવુ પાણી  આવક થતા સપાટી ૧૩ ફુટે પહોચી છે. આ જળાશયમાંથી ન્યુ રાજકોટના વિસ્તારોમાં પાણી પૂરૂ પાડવામાં આવે છે. ૯ ફુટ નવી આવક થતા ૪ મહિના જેટલો પાણી મેઘરાજાએ ૧ દિવસમાં ઠાલવી દિધુ છે. આ ડેમની કુલ સપાટી ૨૫ ફુટ છે.

સૌરાષ્ટ્રના મુખ્ય જળાશય એવા ભાદર -૧ માં ૩૨૨ એમસીએફટી નવુ પાણી આવતા   હાલ ડેમની સપાટી ૧૪.૬૦ ફુટે પહોચી છે. આ ડેમમાંથી રાજકોટના ગોંડલ રોડ વિસ્તારોમાં પાણી વિતરણ માટે ઉપાડ કરવામાં આવે છે. આ ડેમની સપાટી ૩૪ ફુટ છે.(૨૮.૨)

(11:47 am IST)
  • રાજકોટ પંથકના જસદણમાં 1.5 ઇંચ વરસાદ :ધોધમાર વરસાદ પડતા ગોઠણડૂબ પાણી ભરાયા:.જસદણની ભાદર નદીમાં ઘોડાપુર :નવા નીરને વધાવવા ટોળા ઉમટી પડ્યા access_time 11:24 pm IST

  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST