Gujarati News

Gujarati News

News of Thursday, 13th June 2019

ફાયરબ્રીગેડમાં ફરી વાયરલેશ કન્ટ્રોલ રૂમ શરૂ કરાવાશેઃ ઉદય કાનગડ

આપાતકાલીન સ્થિતીમાં વાયરલેશ દૂરસંચાર માટે હાથવગુ સરળ સાધન છે તેથી બંધ કરી દેવાયેલ વાયરલેસ સેટ ફરીથી શરૂ કરાવાશેઃ સ્ટેન્ડીંગ ચેરમેન દ્વારા તજવીજ

રાજકોટ તા. ૧૩ :.. ફાયર બ્રીગેડ વિભાગમાં દૂર સંચાર માટે વર્ષો સુધી જેનો દબદબો રહ્યો હતો. તેવા વાયર લેશ કન્ટ્રોલ રૂમનો મોબાઇલ ફોનનો યુગ આવતાં બંધ કરી દેવાયેલ છે. પરંતુ આપતકાલીન સ્થિતીમાં દૂર સંચારમાં વાયરલેસ સેટ હાથવગું અને સફળ સાધન હોઇ એ ફાયર બ્રીગેડમાં ફરીથી વાયરલેસ કન્ટ્રોલ રૂમ શરૂ કરાવવા સ્ટેન્ડીંગ કમીટી ચેરમેન ઉદય કાનગડે તજવીજ હાથ ધરી છે.

આ અંગે શ્રી કાનગડે જણાવ્યું હતું કે રાજકોટ ફાયર બ્રીગેડમાં વર્ષો અગાઉ વાયરલેશ કન્ટ્રોલ રૂમ હતો. આ કન્ટ્રોલ રૂમ સાથે તમામ ડેમ ફલ્ડ કન્ટ્રોલ પાણીના પમ્પીંગ સ્ટેશનો, ફાયર ફાઇટરો, મ્યુ. કમિશ્નર - મેયર સહિતનાં પદાધિકારીઓની મોટર કાર સહિતનાં વાહનોનાં વાયરલેશ સેટ જોડાયેલા હતાં. જેનાં કારણે આપતકાલીન સ્થિતી અંગે એકજ સ્થળેથી તમામ જગ્યાએ સાવચેતીનાં સંદેશા ઝડપથી અને સરળ રીતે આપી શકાતાં હતાં.

આમ વાયરલેસ સેટ દુર સંચારનું અત્યંત સરળ અને હાથવગુ સાધન હતું. પરંતુ મોબાઇલ ફોનનો યુગ આવતાં વાયરલેસ સેટ બંધ કરી દેવાયા છે.

હવે ફરી આ વાયરલેસ સેટનાં કન્ટ્રોલ શરૂ કરાવવા તજવીજ હાથ ધરાઇ છે કેમ કે આ માટેનું લાયસન્સ પણ કોર્પોરેશન પાસે હજુ યથાવત છે. ત્યારે વાયરલેશ કન્ટ્રોલ પુર - વાવાઝોડા ભારે વરસાદ જેવા આપતકાલીન સ્થિતીમાં ઘણો જ મદદરૂપ થઇ શકે તેમ છે.

(3:56 pm IST)
  • મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. access_time 12:53 pm IST

  • કચ્છના સરહદી વિસ્તાર હાજીપીર દરગાહ નજીક ગાજવીજ પવન સાથે જોરદાર વરસાદ વરસતા મકાનોના પતરા પણ ઉડી ગયા હતા access_time 3:33 pm IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST