Gujarati News

Gujarati News

News of Thursday, 13th June 2019

અસરગ્રસ્તોની ખેવનાઃ ટીમ ભાજપ દ્વારા વિવિધ વિસ્તારોમાં ફુડ પેકેટનું વિતરણ

રાજકોટઃ ગુજરાતના સમુદ્ર કિનારે વાયુ વાવાઝોડાનો ખતરો મંડરાતા મુખ્યમંત્રીશ્રી વિજયભાઇ રૂપાણીના નેતૃત્વવાળી રાજયની ભાજપા સરકાર સર્તક બની રાહત બચાવ માટે આર્મી, કોસ્ટગાર્ડ, નેશનલ ડિઝાસ્ટર રેસ્કયુ ફોર્સ, સ્ટેટ ડિઝાસ્ટર રેસ્કયુ ફોર્સ, નેવી અને તટરક્ષક દળને એલર્ટ રહેવા સહીતના આદેશ કરાયા છે. ત્યારે શહેર ભાજપ દ્વારા આ સંભવિત વાવાઝોડાની અસર ધ્યાનમાં રાખી સમગ્ર સૌરાષ્ટ્રભર માટે શહેર ભાજપ કાર્યાલય, રાજકોટ મહાનગર ખાતે કંટ્રોલ રૂમ કાર્યરત કરાયો છે. શહેર ભાજપની તમામ શ્રેણીના કાર્યકર્તાઓને સ્ટેન્ડ ટૂ રખાયા છે. શહેરના થોરાળા સહીતના વિસ્તારોમાં મધરાત્રે શહેર ભાજપ પ્રમુખ કમલેશ મિરાણીની અધ્યક્ષતામાં શહેર ભાજપ દ્વારા મુલાકાત લઇ અસરગ્રસ્તોને શાળા તેમજ સલામત સ્થળોએ ખસેડી તેઓને ફુડ પેકેટોનું વિતરણ કરાયું હતું. આ તકે મહામંત્રી કીશોર રાઠોડ, વિક્રમ પુજારા, ભીખુભાઇ ડાભી, મહેશ બથવાર, રત્નાભાઇ મોરી, નાનજીભાઇ પારધી, મહેશ અઘેરા, વરજાંગ હુંબલ, બીપીન સોલંકી, દેવજીભાઇ ખીમસુરીયા, વિનોદ કુમારખાણીયા, મૌલીક પરમાર, ઉજેશ દેશાણી સહીતના સાથે કાર્યકર્તાઓ જોડાયા હતા.

(3:50 pm IST)
  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • ભરૂચમાં દરિયા કિનારેથી તંત્ર દ્રારા હાઇ એલર્ટનું સિગ્નલ હટાવી લેવાયુ : ભરૂચ બંદર પરથી હાઇ અલર્ટનું સિગ્નલ હટાવી લેવાતા લોકોએ રાહતનો શ્વાસ લીધો: વાયુ વાવાઝોડાને કારણે ભરૂચ દરિયાનાં કિનારે વસતા 40 ગામોનાં લોકોને સાવધ કરાયા હતા. access_time 1:26 am IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST