Gujarati News

Gujarati News

News of Thursday, 13th June 2019

ન્યુ સાગર સોસાયટીમાં સ્યુસાઇડ નોટ લખીને પૂજા કોટકનો ફાંસો ખાઇ આપઘાત

'હું મારી જાતે પગલુ ભરૂ છુ' કોઇને હેરાન કરતા નહીં લખી યુવતીએ પગલુ ભર્યુ

રાજકોટ તા ૧૩  : કોઠારિયા રોડ પર ન્યુ સાગર સોસાયટીમાં રહેતી લોહાણા યુવતીએ સ્યુસાઇડ નોટ લખી ગળાફાંસો ખાઇ આત્મહત્યા કરી લેતા અરેરાટી વ્યાપી ગઇ છે.

મળતી વિગત મુજબ કોઠારિયા રોડ પર ન્યુુ સાગર સોસાયટીમાં રહેતી પૂજા રાજેશભાઇ કોટક,(ઉ.વ.૨૦) એ ગઇકાલે પોતાના ઘરે ઉપરના રૂમમાં દુપટ્ટા વડે ગળાફાંસો ખાઇ લીધો હતો. જાણ થતા ૧૦૮ ના ધનજીભાઇ પરમારે સ્થળ પર પહોંચી તપાસ કરતા યુવતીનું મૃત્યુ નિપજયું હોવાનું જણાતા પોલીસને જાણ કરવામાં આવી હતી, મૃતક પૂજા એકભાઇ અને એક બહેનમાં નાની હતી. આ અંગે ભકિતનગર પોલીસે સ્થળ પર પહોંચી તપાસ કરતા ત્યાંથી એક સ્યુસાઇડ નોટ મળી આવી હતી, તેમાં 'હું મારી જાતે પગલું ભરૂ છુ, કોઇને હેરાન કરતા નહીં' લખ્યું હતું. યુવતીએ કયા કારણોસર આ પગલુ ભર્યુ તેનું કારણ જાણવા હેડ કોન્સ. સુર્યકાંતભાઇ  પરમારે તપાસ હાથ ધરી છે.

(3:45 pm IST)
  • મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. access_time 12:53 pm IST

  • ''વાયુ'' વાવાઝોડું પોરબંદરની દક્ષિણે અરબી સમુદ્રમાં ૭૦ નોટકીલ માઈલ દૂર કેન્દ્રિત થયું છેઃ પ્રતિ કલાક ૬૫ કી.મી. ઝડપે ત્યાં પવન ફૂંકાય રહ્યો છેઃ માછીમારોની તમામ બોટો બંદર ઉપર સલામત છેઃ આજે સવારે કોસ્ટગાર્ડે કરેલ ટ્વીટ access_time 11:38 am IST

  • વાયુ વાવાઝોડું સૌરાષ્ટ્રના કાંઠે સિધુ ત્રાટકશે નહિ, અને પશ્ચિમ દિશામાં ફંટાય રહ્યું છે અનેઓમાન તરફ આગળ વધે છે, સોમનાથ થી 125 કીમી દૂરથી ફંટાય રહ્યું છે... ભારે પવન અને વરસાદ ચાલુ રહેશે access_time 8:41 am IST