Gujarati News

Gujarati News

News of Thursday, 13th June 2019

કાગદડી ગામના દલીતને હડધુત કરી ધમકી આપવા અંગે પકડાયેલ ભરવાડ શખ્સોનો છુટકારો

રાજકોટ, તા., ૧૩: જાતીય અત્યાચાર (એટ્રોસીટી) અંગે તથા મારી નાખવાની ધમકી અંગે કાગદડીના પાંચ ભરવાડનો નિર્દોષ છુટકારો સેશન્સ કોર્ટે ફરમાવેલ હતો.

રાજકોટ તાલુકાના કાગદડી ગામે રહેતા મગનભાઇ ચનાભાઇ ચાવડા (દલીત)નાએ તા.૧૪-૩-ર૦૧રના રોજ લેખીત ફરીયાદ ટંકારાના પીએસઆઇ શ્રી પી.કે.ગલચર સમક્ષ નોંધાવેલ કે તા.૧૦-૩-ર૦૧રના રોજ તેમના જ ગામના ભરવાડ બાબુ ઉર્ફે ઓઘડભાઇ સગરામભાઇ ભરવાડના એ તેમના ઘરની બાજુમાં આવેલ સાર્વજનીક પ્લોટ નં. ૧ર કે જે ખુલ્લો છે તે પ્લોટમાં રામાપીરનું મંદિર બનાવવાનું હોય તેથી તે માટે રેતી તથા લાદીના કટકાઓ કોઇકે રાખેલા. તે રેતી તથા લાદીના કટકા હટાવી લેવા તા.૧૦-૩-ર૦૧રના રોજ આરોપી ઓઘડ ભરવાડે મગનભાઇને મારી નાખવાની ધમકી આપેલ અને જ્ઞાતિ પ્રત્યે હડધુત કરી. આ જગ્યા ખાલી કરી નાખજે નહીતર સારાવાના નહી રહે અને ત્યાર બાદ આરોપીના ભાઇઓ તથા પિતાશ્રી હરજીભાઇ, નાગજીભાઇ, સગરામભાઇ મોતીભાઇ, રમેશભાઇ સગરામભાઇ રહે. બધા કાગદડી, ભરવાડો વારાફરતી આવીને ફરીયાદી મગનભાઇ ચાવડાને હડધુત કરી અપશબ્દો બોલી મારી નાખવાની ધમકી આપેલ. જેથી ટંકારા પોલીસે આઇપીસી કલમ પ૦૪, પ૦૬ (ર), ૧૧૪ તથા એટ્રોસીટી એકટની કલમ ૩(૧) (૧૦) મુજબ ફરીયાદ નોંધેલ.

સ્પે. સેસન્સ જજશ્રી (એટ્રો) પવાર મેડમે આ કેસમાં દલીલો ધ્યાને રાખી, માન્ય કરી, સરકારપક્ષે કેસ સાબીત કરી શકેલ ન હોય, અન્ય રજુ થયેલ પુરાવાઓ સરકારપક્ષને મદદરૂપ થતા ન હોય જેથી તમામ ભરવાડ આરોપીઓનો નિર્દોષ છુટકારો ફરમાવેલ છે.

આ કામમાં આરોપીઓ કાગદડીના પ્રખ્યાત પાંચ ભરવાડો વતી રાજકોટના જાણીતા વિદ્વાન ધારાશાસ્ત્રી શ્રી હર્ષદકુમાર એસ.માણેક, સોનલબેન ગોંડલીયા તથા જાગૃતીબેન કેલૈયા એડવોકેટ તરીકે રોકાયેલ છે.

(3:44 pm IST)
  • રાજકોટથી એસટીની દીવ- કોડીનાર- વેરાવળ- ઉના- પોરબંદર- દ્વારકાની બસો બંધ : કુલ ૨૦ બસો બંધઃ વાયુ વાવાઝોડા સંદર્ભે આજે સતત બીજા દિવસે રાજકોટ એસટી ડીવીઝનની દીવ-કોડીનાર-વેરાવળ-ઉના-પોરબંદર-દ્વારકાની બસો બંધ રખાઈ : કોઈ મુસાફરો ફરકતા નથી : બે દિ'થી આવકમાં તોતીંગ ગાબડુ : જામનગર સુધી એસટી દોડે છે : સાંજ બાદ પુનઃ બસ વ્યવહાર શરૂ થવાની શકયતા : એડવાન્સ બુકીંગમાં ૪ લાખનું રીફંડ અપાયુ access_time 10:57 am IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • કોણ બનશે ભાજપના અધ્યક્ષ ? પક્ષના નેતાઓ સાથે અમિતભાઇ શાહની બેઠક શરૃઃ કેન્દ્રીય ગૃહમંત્રી અને બીજેપી અધ્યક્ષ અમિતભાઇ શાહ આજે પક્ષના રાજય એકમોની સાથે બેઠક કરીને પક્ષમાં થનારા સંગઠનની ચૂંટણી પર મંથન કરશેઃ આ બેઠકમાં દરેક રાજયોના પ્રમુખ, મહામંત્રી અને રાજય પ્રભારી સામેલ થયા access_time 3:20 pm IST