Gujarati News

Gujarati News

News of Thursday, 13th June 2019

વાયુ આવે છે...વાયુ આવે છે...ના વાવડ વચ્ચે મઢી ચોકમાં વાનરનું આગમનઃ બાળકોને મોજ પડી ગઇ

કપીરાજે રામનગરમાં ઝાડ પરથી કેરીનો શ્વાદ માણ્યો બાદમાં છોટુનગર તરફ જતો રહ્યો

રાજકોટઃ આજે સૌરાષ્ટ્રમાં વાયુ વાવાઝોડુ ત્રાટકવાની આગાહી વચ્ચે ઠેર-ઠેર તંત્રની દોડધામ મચી હતી. વાયુ આવે છે...વાયુ આવે છે...ના વાવડ ઠેકઠેકાણે પહોંચી ગયા હોઇ લોકો સતેજ હતાં. આ વચ્ચે રૈયા રોડના હનુમાન મઢી પાછળ રામનગરમાં સવારે એક કપિરાજનું આગમન થયું હતું. આ વાનર પહેલા શંભુભાઇ પટેલના નિવાસે પહોંચ્યો હતો અને ડેલી પર થોડીવાર બેઠો હતો. ત્યાંથી નીચે ઉતરી કૂદાકૂદ કરતાં જોતજોતામાં લોકો એકઠા થઇ ગયા હતાં. ખાસ કરીને બાળકોને મોજ પડી ગઇ હતી. આ પછી આ કપીરાજ બાજુની રામનગર શેરીમાં એક ઘરે આંબાના ઝાડ પર પહોંચ્યા હતાં અને કેરીનો  સ્વાદ માણ્યો હતો. એ પછી છોટુનગર તરફ જતા રહ્યા હતાં. તસ્વીરમાં વાનર જોઇ શકાય છે. તેણે કોઇને નુકસાન પહોંચાડ્યું નહોતું.

(3:39 pm IST)
  • મોડીરાત્રે જૂનાગઢમાં ભારે પવન સાથે જોરદાર વરસાદ :વેરાવળમાં પણ વરસાદ ચાલુ ; જૂનાગઢના વંથલી સહિતના પંથકમાં મેઘરાજાની પધરામણી : કેશોદ અને જેતપુરમાં પણ વરસાદના અહેવાલ access_time 1:04 am IST

  • વાયુ વાવાઝોડું અપડેટ : મોડી સાંજે પોરબંદરના ચોપાટી પર દરિયામાં આવ્યો જોરદાર કરંટ : જબરા મોજા ઉછળી રહ્યા છે : દરિયાનું પાણી આવી ગયું રસ્તાઓ પર : તંત્રે લોકોને ચોપાટીથી દૂર રહેવા અને તકેદારી રાખવા વિનંતી કરી છે. (સંદીપ બગથરીયા દ્વારા) access_time 10:33 pm IST

  • ભરૂચમાં દરિયા કિનારેથી તંત્ર દ્રારા હાઇ એલર્ટનું સિગ્નલ હટાવી લેવાયુ : ભરૂચ બંદર પરથી હાઇ અલર્ટનું સિગ્નલ હટાવી લેવાતા લોકોએ રાહતનો શ્વાસ લીધો: વાયુ વાવાઝોડાને કારણે ભરૂચ દરિયાનાં કિનારે વસતા 40 ગામોનાં લોકોને સાવધ કરાયા હતા. access_time 1:26 am IST