Gujarati News

Gujarati News

News of Thursday, 13th June 2019

ચોકની લાઇટો કેમ બંધ છે? કહી કુચીયાદળના સરપંચ પર પથ્થરમારોઃ તલવાર બતાવી ધમકી

મનોજ ડાભી, રવિ પાદરીયા અને જ્યંતિ મકવાણા સામે સરપંચ હરેશભાઇ આસોદરીયાની ફરિયાદ

રાજકોટ તા. ૧૩: કુચીયાદળના સરપંચ પર પર રાત્રીના ગામના જ ત્રણ શખ્સોએ ગામના ચોકની લાઇટો બંધ હોવા બાબતે ડખ્ખો કરી પથ્થરમારો કરી તલવાર બતાવી મારી નાંખવાની ધમકી આપતાં વાત પોલીસ સુધી પહોંચતા ગુનો નોંધાયો છે

કુવાડવા રોડ પોલીસે કુચીયાદળના સરપંચ પટેલ હરેશભાઇ ડાયાભાઇ આસોદરીયા (ઉ.૩૯)ની ફરિયાદ પરથી કુચીયાદળના જ મનોજ કુવરજીભાઇ ડાભી, રવિ દિનેશભાઇ પાદરીયા અને જયંતિ મકવાણા સામે આઇપીસી ૩૩૭, ૫૦૪, ૫૦૬ (૨), ૧૧૪, ૧૩૫ મુજબ ગુનો નોંધ્યો છે.

સરપંચ હરેશભાઇના કહેવા મુજબ પોતે રાત્રે ઘર પાસે હતાં ત્યારે ગામના મનોજ ડાભી, રવિ પાદરીયા અને જયંતિ મકવાણા આવ્યા હતાં અને 'ચોકની લાઇટો બંધ કેમ છે, ચાલુ કરાવો' તેમ કહી ઝઘડો કરી ગાળો દેતાં સરપંચે ગાળો બોલવાની ના પાડતાં તેના પર પથ્થરમારો કર્યો હતો અને તલવાર બતાવી મારી નાંખવાની ધમકી આપી હતી. એએસઆઇ ધીરૂભાઇ કે. ડાંગર અને હેમતભાઇ ધરજીયાએ વિશેષ તપાસ હાથ ધરી છે.

(11:52 am IST)
  • ખંભાળિયા - પોરબંદર રોડ પર રેલવે પાટા નજીક મૃતદેહ મળ્યો:પોલીસ ઘટના સ્થળે પહોંચી :મૃતદેહને પીએમ માટે લઇ જવાયો : જુના ડેડબોડી હોવાની શંકા access_time 10:37 pm IST

  • ૮૦૦ કિ.મી.ના વ્યાસમાં વાવાઝોડુ : પોરબંદર, જૂનાગઢ, દ્વારકા અને દીવમાં અસર કરશે : હવામાન વિભાગના જયંત સરકારે જણાવ્યુ કે ગુજરાત ઉપરથી મહદઅંશે ખતરો ટળી ગયો છે પણ ભારે પવન સાથે ભારે વરસાદ પડશે : વાવાઝોડુ સૌરાષ્ટ્રને હિટ નહિં કરે બે દિવસ વાવાઝોડાની અસર વર્તાશે access_time 3:33 pm IST

  • મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. access_time 12:53 pm IST