Gujarati News

Gujarati News

News of Wednesday, 12th June 2019

વૃંદાવન સોસાયટીમાં ૭ વૃક્ષો કાપી નંખાતાં ગાર્ડન ડાયરેકટર દ્વારા પોલીસ ફરિયાદની તજવીજ

રાજકોટ : શહેરના કાલાવડ રોડ ઉપર આવેલી વૃંદાવન સોસાયટીના સરકારી કવાર્ટસમાં વર્ષો જુના ૭ જેટલા ઘટાટોપ વૃક્ષો એકી સાથે કાપી નંખાતા લતાવાસીઓની ફરીયાદનાં આધારે મ્યુ. કોર્પોરેશનના ગાર્ડન એન્ડ પાર્ક ડાયરેકટર હાપલીયાએ જે કવાર્ટરમાંથી વૃક્ષો કપાયા છે તે વિસ્તારના રહેવાસી સામે ગેરકાયદે વૃક્ષછેદનની પોલીસ ફરીયાદ નોંધાવવા તજવીજ હાથ ધરાઇ છે. આ અંગે ગાર્ડન ડાયરેકટ ડો. હાપલીયાએ જણાવ્યું હતું કે વૃંદાવન સોસાયટીના સરકારી કવાર્ટરમાંરહેતા તેજશભાઇ વ્યાસ દ્વારા સરેરાશ ૧૮ થી ૩૦ વર્ષની ઉંમરના સવન રાવણો, બોરસલી, પેલ્ટો ફોર્મ, ગુંદો વગેરે જાતીના વૃક્ષ છેદન માટેના પ્રતિબંધીત એવા ૭ જેટલા વૃક્ષોને એકી સાથે કાપી નાંખ્યા છે.  આથી આ બાબતે પોલીસ ફરીયાદ નોંધાવવા તજવીજ  હાથ ધરવામાં આવી છે.

(4:10 pm IST)
  • પોરબંદર જિલ્લામાંથી 38551 લોકોનું સ્થળાંતર :વાયુ વાવાઝોડાને પગલે પોરંબદર દરિયા કાંઠાના વિસ્તારમાંથી 38 ,551 લોકોનું સ્થળાંતર કરાયું છે :સાવચેતીના પગલાં રૂપે પોરબંદર સહીત જિલ્લાના રાણાવાવ કુતિયાણા સહિતના સ્થળેથી સ્થળાંતર access_time 10:45 pm IST

  • મુંબઈના ગ્રાન્ટ રોડ ઉપર આજે બપોરે ધોધમાર વરસાદ શરૂ access_time 4:28 pm IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST