Gujarati News

Gujarati News

News of Wednesday, 12th June 2019

ગૌ તસ્કરી-હત્યાનું પ્રમાણ દિવસે ને દિવસે વધતું જાય છેઃ કડક પગલા ભરોઃ આવેદન

રાજકોટ તા. ૧રઃ ભગવા સ્વયંસેવક સંઘે કલેકટરને આવેદન પાઠવી દિવસે ને દિવસે વધતી જતી ગૌ હત્યા અને ગૌ તસ્કરી બાબતેર રજુઆત કરી હતી.

આવેદનમાં જણાવેલ કે અમે જીવદયા પ્રેમી અને ગૌ સેવકો છીએ. પશુઓની કતલ કરવા માટે પાલીકા તંત્રની મંજુરી અને વેટરનીટી ડોકટરના પ્રમાણપત્રની જરૂર હોય છે. પરંતુ ગેરકાયદેસર થતી કતલમાં આવી કોઇ મંજુરી કે પ્રમાણપત્ર લેવામાં આવતા નથી. જેના હિસાબે આ ગૌ તસ્કરી અને ગૌ વંશની હત્યાનું અને હાડ માંસ અને ચામડાનું ગેર કાયદેસર વેચાણ દિવસે ને દિવસે વધતું જાય છે.

પશુ ચોરી કરતી ટોળકી દ્વારા ગૌ વંશ સહિતના પશુઓ ચોરી કરી આવા ગેરકાયદેસર ચાલતા કતલ ખાનાના સંચાલકો આ પશુની કતલ કરે છે માત્ર ચોરી કરી મેળવાયેલા પશુઓની જ ચોરી થાય છે તેવું નથી પરંતુ વહુકી ગયેલા અશકત પશુઓ ગૌ વંશો તેમજ વૃધ્ધ થયેલ ગૌ વંશને માલધારીઓ પાસેથી સસ્તી કિંમતે ગૌ વંશ અને અન્ય પશુઓ ખરીદી કરી લેવામાં આવે છે. બાદમાં તેને કતલ ખાને ધકેલી દેવામાં આવે છે.

આથી આ બાબતે કલેકટરશ્રી તાકિદે કડક પગલા ભરે તેવી માંગણી ભગવા સ્વયંસેવક સંઘે આપેલ આવેદનમાં કરી હતી.

(3:43 pm IST)
  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • ભરૂચમાં દરિયા કિનારેથી તંત્ર દ્રારા હાઇ એલર્ટનું સિગ્નલ હટાવી લેવાયુ : ભરૂચ બંદર પરથી હાઇ અલર્ટનું સિગ્નલ હટાવી લેવાતા લોકોએ રાહતનો શ્વાસ લીધો: વાયુ વાવાઝોડાને કારણે ભરૂચ દરિયાનાં કિનારે વસતા 40 ગામોનાં લોકોને સાવધ કરાયા હતા. access_time 1:26 am IST

  • મુંબઈના ગ્રાન્ટ રોડ ઉપર આજે બપોરે ધોધમાર વરસાદ શરૂ access_time 4:28 pm IST