Gujarati News

Gujarati News

News of Wednesday, 12th June 2019

વાવાઝોડા સંદર્ભે

રાજકોટ સહિત સૌરાષ્ટ્ર-કચ્છના તમામ એસ.ટી. ડેપો હાઇએલર્ટઃ ડિવીઝન ઓફીસમાં સ્પે. કન્ટ્રોલ રૂમ

જીપીએસ સિસ્ટમ સતત ચાલુ રાખવા-પાણી ભરાયા હોય ત્યાં બસ ન ચલાવવા આદેશો

રાજકોટ તા. ૧૧: સૌરાષ્ટ્રના કાંઠે ઝળુંબતા વાવાઝોડાના ભય સંદર્ભે એસ.ટી. તંત્રે રાજકોટ સહિત સૌરાષ્ટ્ર-કચ્છના તમામ એસ.ટી. ડેપોને હાઇએલર્ટ આપ્યું છે, સ્થિતિને પહોંચી વળવા બસો તૈયાર રાખવા, પાણી ભરાયા હોય ત્યાં બસો ન ચલાવવા, કે એવા કોઇ જોખમ ન લેવા ડ્રાઇવર-કંડકટરોને આદેશો કરાયા છે, જોખમ જેવું લાગે ત્યારે બસોને સલામત સ્થળે ખસેડી લેવા અને દરેક બસમાં જીપીએસ સિસ્ટમ હોય આ સિસ્ટમ સતત ચાલુ રાખવા તેમજ દરેક ડ્રાઇવર-કંડકટરોને જે તે રૂટના રસ્તાના નકશા અપાયા હોય તેને અનુસરવા પણ આદેશો કરાયા છે.રાજકોટ ડિવીઝનલ કચેરીમાં વાયુ વાવાઝોડા અંગે સ્પે. કન્ટ્રોલરૂમ પણ શરૂ કરી દેવાયો છે.

(3:48 pm IST)
  • મોડીરાત્રે 12-15 વાગ્યે રાજકોટમાં ઝરમર વરસાદ ચાલુ :વરસાદના છાંટા સાથે એકધારો ફૂકાતો ઠંડો પવન :વાતાવરણમાં ઠંડક પ્રસરી :રાત્રે ઠંડા પવન સાથે વાદળો ઘેરાયા access_time 12:34 am IST

  • દીવમાં ૯ નંબરનું સિગ્નલ ઉતારી ૮ નંબરનું સિગ્નલ લગાવાયું: ૯ નંબરનું સિગ્નલ વાવાઝોડું આવવાની શકયતા દર્શાવે છેઃ ૮ નંબરનું સિગ્નલ ખુબ જોખમી ચેતવણી આપે છે access_time 3:47 pm IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST