Gujarati News

Gujarati News

News of Wednesday, 12th June 2019

ન્યારાના સસ્તા અનાજના દુકાનદારને ત્યાં રૂરલ પ્રાંતનો દરોડોઃ ૧ર હજારનો જથ્થો સીઝ

સ્ટોક ડીફરન્સ નીકળતા ઘઉં-ચોખા-મીઠુ-કેરોસીન સીઝ કરાયા

રાજકોટ, તા., ૧૧: પડધરી તાલુકાના ન્યારા ગામે રાજકોટ રૂરલ પ્રાંત શ્રી ઓમપ્રકાશે સસ્તા અનાજના દુકાનદાર દિનેશ મકવાણાને ત્યાં દરોડો પાડી ચેકીંગ કરતા અનેક ગેરરીતીઓ મળી આવી હતી અને તેના પરીણામે ૧ર હજારની કિંમતનો જથ્થો સીઝ કરી દેવાયો હતો.

રૂરલ પ્રાંત શ્રી ઓમ પ્રકાશ તલાટી દફતરની ચકાસણી કરવા ગયા હતા અને ત્યાંથી એકાએક ઉપરોકત દુકાનદારને ત્યાં દરોડો પાડતા, સ્ટોક ડીફરન્સ મળી આવતા ર હજાર કિલો ઘઉ, ૧ હજાર કિલો ચોખા, ૯૬ કિલો મીઠુ અને ૧૭૦ લીટર કેરોસીન મળી કુલ ૧રપ૦૦થી વધુ કિંંમતનો જથ્થો સીઝ કર્યો હતો. આ દરોડો અંગે પડધરી મામલતદાર શ્રી ગોઠીએ રાજકોટ જીલ્લા પુરવઠા અધિકારીને રીપોર્ટ કર્યાનું ઉમેરાયું છે.

(4:24 pm IST)
  • સુરતનો સુવાલી દરિયો બન્યો તોફાનીઃ દરિયા કિનારા આસપાસના ગામોને એલર્ટ કરાયાઃ ૧૫ ફુટથી વધુ ઊંચા મોજા ઉછળ્યાઃ સુવાલી દરિયાનું જોવા મળ્યું રોંદ્ર સ્વરૂપ access_time 12:52 pm IST

  • રાજકોટથી એસટીની દીવ- કોડીનાર- વેરાવળ- ઉના- પોરબંદર- દ્વારકાની બસો બંધ : કુલ ૨૦ બસો બંધઃ વાયુ વાવાઝોડા સંદર્ભે આજે સતત બીજા દિવસે રાજકોટ એસટી ડીવીઝનની દીવ-કોડીનાર-વેરાવળ-ઉના-પોરબંદર-દ્વારકાની બસો બંધ રખાઈ : કોઈ મુસાફરો ફરકતા નથી : બે દિ'થી આવકમાં તોતીંગ ગાબડુ : જામનગર સુધી એસટી દોડે છે : સાંજ બાદ પુનઃ બસ વ્યવહાર શરૂ થવાની શકયતા : એડવાન્સ બુકીંગમાં ૪ લાખનું રીફંડ અપાયુ access_time 10:57 am IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશેઃ હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે access_time 11:37 am IST