Gujarati News

Gujarati News

News of Wednesday, 13th June 2018

મનહર પ્લોટ વિસ્તારમાં ગાયો માટેનો અવેડો તોડવાનાં પ્રયાસથી લોકરોષ

રાજકોટઃ શહેરનાં મનહર પ્લોટ વિસ્તારમાં રામકૃષ્ણ આશ્રમ પાછળ આવેલ શેરીમાં લતાવાસીઓ દ્વારા બનાવાયેલા ગાયોને પાણી પીવા માટેનાં અવેડાને તોડી પાડવા આજે સવારે કોર્પોરેશનનાં અધિકારીઓ પહોંચ્યા ત્યારે લતાવાસી ભાઇ-બહેનોનાં ટોળાએ એકત્રીત થઇ આ કાર્યવાહી બાબતે તંત્રવાહકો સાથે રોષ વ્યકત કરી આ એવોર્ડ તોડવાની કાર્યવાહી અટકાવી હતી. તે વખતની તસ્વીરમાં વિસ્તારનાં અગ્રણી કાનાભાઇ તેમજ વિસ્તારનાં બહેનો ત્થા આશ્રમનાં સ્વામીજી અને કોર્પોરેશનનાં નિવૃત ઇજનેર ત્થા અધિકારીઓ દર્શાય છે. આ અંગે સ્થાનિક આગેવાન કાનાભાઇનાં જણાવ્યા મુજબ લતાવાસીઓએ ગરબી મંડળનાં ફંડમાંથી ગાયોને પાણી પીવા માટે આ એવેડો બનાવ્યો છે જે વર્ષો જુનો છે અને કોઇને નડતરરૂપ નથી આમ છતાં આ અવેડો તોડવા કાર્યવાહી હાથ ધરવામાં આવતાં લોકોમાં રોષ ફેલાયો હતો અને અવેડો તોડવાની કાર્યવાહી અટકાવી દેવામાં મામલો થાળે પડયો હતો. (તસ્વીરઃ સંદિપ બગથરીયા)

(3:48 pm IST)
  • સુરતમાં ઝરમર : અમદાવાદમાં વાતાવરણમાં પલ્ટો : ધૂળની ડમરી ઉડી : સુરતમાં સવારે ઝરમર વરસાદ : વાતાવરણમાં ઠંડક પ્રસરી : અમદાવાદમાં જોરદાર પવન ફૂંકાયા, ધૂળની ડમરીઓ ઉડી access_time 3:43 pm IST

  • પેટ્રોલ-ડીઝલના ભાવ ઘટાડાને બ્રેક : કાલે બુધવારે પેટ્રોલ-ડીઝલના ભાવમાં ઘટાડો થવાની શકયતા નહિવત:હાલના ભાવ મુજબ પેટ્રોલ લીટરે 75.75 રૂપિયા ડીઝલનો ભાવ 72.75 રૂપિયા યથાવત રહેશે : ભાવમાં મોટાભાગે કોઈ ફેરફાર થશે નહીં તેમ મનાય છે access_time 11:04 pm IST

  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST