Gujarati News

Gujarati News

News of Wednesday, 13th June 2018

આંગડીયા પેઢીના એક કરોડ ૧૮ લાખની ઉચાપત કેસમાં આરોપીની જામીન અરજી રદ

આરોપી વિરૂધ્ધ સમાજ વિરોધી ગંભીર ગુનો છેઃ કોર્ટ

રાજકોટ તા.૧૩: અત્રે સોન બજારમાં આભુષણ કોમ્પ્લેક્ષમાં આવેલ પટેલ ઇશ્વરલાલ બેચરદાસ આંગડીયા પેઢીમાંથી રૂ. ૧ કરોડ ૧૮ લાખની ઉચાપત કરવાના ગુનામાં પકડાયેલા પેઢીના મેનેજર તરીકે નોકરી કરતાં આરોપી હરેશ હસમુખરાય દવે એ જામીનપર છુટવા કરેલ અરજીને એડી. સેસન્સ જજ શ્રી પી. સતિષકુમારે નકારી કાઢી હતી.

આ કેસ અંગેની વિગત એવી છે કે, આરોપી હરેશ દવે સદરહું પેઢીમાં મેનેજર તરીકે નોકરી કરતા હોઇ શેઠનો વિશ્વાસ કેળવ્યો હતો જેનો ગેરલાભ લઇને પેઢીનો વહીવટ સંભાળી શેઠ ગેરહાજર હોય ત્યારે ગ્રાહકોના હિસાબોના નાણાં નહિ ચુકવીને રૂ. ૧કરોડ ૧૮ લાખની ઉચાપત કરતાં પેઢીના સંચાલકે પોલીસમાં ફરીયાદ કરી હતી.

આ ફરીયાદના અનુસંધાને પોલીસે આરોપીની ધરપકડ કરીને જેલ હવાલે કરતાં આરોપીએ જમીનપર છુટવા અરજી કરી હતી.

આ અરજીના વિરોધમાં સરકારી વકીલશ્રી મહેશભાઇ જોષીએ રજુઆત કરેલ કે, આરોપી સામે પ્રથમ દર્શનીય ગંભીર ઉચાપતનો ગુનો છે. આવા બનાવોનું પ્રમાણ વધી રહયું છે. આરોપી સામે સમાજ વિરોધી ગુનો હોય જામીન અરજી રદ કરવી જોઇએ.

ઉપરોકત રજુઆત અને ગુનાની ગંભીરતાને ધ્યાને લઇને સેસન્સ અદાલતે આરોપીની જામીન અરજીને રદ કરી હતી આ કામમાં સરકાર પક્ષે એ.પી.પી. મહેશભાઇ જોષી રોકાયા હતા. (૧.૨૪)

(2:46 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • પેટ્રોલ-ડીઝલના ભાવ ઘટાડાને બ્રેક : કાલે બુધવારે પેટ્રોલ-ડીઝલના ભાવમાં ઘટાડો થવાની શકયતા નહિવત:હાલના ભાવ મુજબ પેટ્રોલ લીટરે 75.75 રૂપિયા ડીઝલનો ભાવ 72.75 રૂપિયા યથાવત રહેશે : ભાવમાં મોટાભાગે કોઈ ફેરફાર થશે નહીં તેમ મનાય છે access_time 11:04 pm IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST