Gujarati News

Gujarati News

News of Wednesday, 13th June 2018

દેશી દારૂના કટીંગ વખતે પોલીસ ત્રાટકીઃ બોલેરો અને રીક્ષા મુકી બુટલેગર ફરાર

રામઘણની પાછળ ઝુપડપટ્ટીમાં તાલુકા પોલીસનો દરોડોઃ ૧.૭૧ લાખનો મુદ્દામાલ કબ્જે

રાજકોટ તા.૧૩: રામધણની પાછળ ઝુપડ પટ્ટીમાં દેશી દારૂના કટીંગ વખતે તાલુકા પોલીસે ત્રાટકી બોલેરો અને રીક્ષા તથા આથો તથા દેશી દારૂનો જથ્થો કબ્જે કર્યો હતો. જયારે બુટલેગરો નાસી જતા શોધખોળ હાથ ધરી છે.

મળતી વિગત મુજબ તાલુકા પોલીસ મથકના એેએસઆઇ અજીતસિંહ જાડેજા તથા રાઇટર રીતેષભાઇ પટેલ સહિત પેટ્રોલીંગમાં હતા. ત્યારે રામધણની પાછળ ઝુપડામાં દારૂનું કટીંગ થતુ હોવાની બાતમીના આધારે દરોડો પાડતા ઝુપડામાંથી આઠ લીટર દેશી દારૂ તથા ૯૦ લીટર આથો મળી આવ્યો હતો. દરોડો પાડતા બુટલેગરો ભાગી ગયા હતા. પોલીસે જીજે ૩ એઝેડ-૭૨૦૩ નંબરની બોલેરો અને નંબર વગરની રીક્ષા મળી રૂ.૧,૭૧,૯૬૦નો મુદ્દામાલ કબ્જેકરી તપાસ હાથ ધરી છે.

દેશી દારૂ સાથે બે શખ્સો પકડાયા

ભવાનીનગર શેરી નં.૨માં એડીવીઝન પોલીસ મથકના હેડ કોન્સ ઇન્દ્રસિંહ તથા હાર્દિકસિંહ દરોડો પાડી રૂ.૮૦ના દેશી દારૂ સાથે પ્રવિણ રત્નાભાઇ ચૌહાણ (ઉ.વ.૪૬)ને અને ગોંડલ રોડ શીતળાધાર મફતીયા પરામાં ભૈયાવાડી પાસે પાનની કેબીનમાંથી રૂ.૧૬૦ના દેશી દારૂ સાથે સુરજ ઉર્ફે સુરો જબરદાન કુંદડા (ઉ.વ.૨૧) (રહે.શીવધામ સોસાયટી શેરી નં.૨ કોઠારિયા રોડ)ને આજીડેમ પોલીસે પકડી લઇ કાર્યવાહી કરી હતી.

ચુનારાવડ મકાનમાંથી દારૂની ૮ બોટલ જપ્ત

થોરાળામાં પોલીસ મથકના એએસ આઇ.ડી.કે.ડાંગર તથા નરસંગભાઇ મંઢ, નિશાંતભાઇ તથા મહેશભાઇ મંઢ સહિત પેટ્રોલીંગમાં હતા. ત્યારે બાતમીના આધારે ચૂનારાવાડ શેરી નં.૭માં રહેતો રાકેશ રમેશભાઇ વીરમગામાના મકાનમાં દરોડો પાડી રૂ.૪૫૦૦ની કિંમતની દારૂની ૮ બોટલ મળી આવતા પોલીસે દારૂની બોટલ કબ્જે કરી રાકેશ વીરમગામની શોધખોળ આદરી છે.(૧૭.૫)

(2:41 pm IST)
  • મુંબઈમાં છેલ્લા બે મહિનામાં 295 આગ લાગવાની ઘટના ;60 કરોડનું નુકશાન :બીએમસીની નિષ્ક્રિયતા સામે ઉઠતા સવાલ access_time 12:56 am IST

  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • પેટ્રોલ-ડીઝલના ભાવ ઘટાડાને બ્રેક : કાલે બુધવારે પેટ્રોલ-ડીઝલના ભાવમાં ઘટાડો થવાની શકયતા નહિવત:હાલના ભાવ મુજબ પેટ્રોલ લીટરે 75.75 રૂપિયા ડીઝલનો ભાવ 72.75 રૂપિયા યથાવત રહેશે : ભાવમાં મોટાભાગે કોઈ ફેરફાર થશે નહીં તેમ મનાય છે access_time 11:04 pm IST