Gujarati News

Gujarati News

News of Wednesday, 13th June 2018

રાજકોટના નાગદાન અને અલ્તાફ સહિત રાજયના ટોપ-રપ બુટલેગરોની યાદી સીઆઇડીએ જાહેર કરી

આશીષ ભાટીયાના આદેશથી આઇજી દિપાંકર ત્રિવેદીએ બેનામી મિલ્કતો જપ્તી અર્થે રાજયભરના પોલીસ તંત્ર પાસેથી મોટા બુટલેગરોની લેટેસ્ટ યાદી આપવા આદેશ છોડયા

રાજકોટ, તા., ૧૩: સીઆઇડી ક્રાઇમના વડા આશિષ ભાટીયાની સુચનાથી સીઆઇડીના નાયબ પોલીસ મહાનિરિક્ષક દિપાંકર ત્રિવેદી દ્વારા રાજયના તમામ પોલીસ કમિશ્નરો, રેલ્વે સહીતના તમામ એસપીઓ  અને તમામ રેન્જ વડાઓને એક ખાનગી પત્ર પાઠવી. રાજકોટના નાગદાન, અલ્તાફ, દેવભુમીના બઘો રબારી, અને જુનાગઢના ધીરેન સહીત  ગુજરાતના ટોપ રપ બુટલેગરોની યાદી મોકલી આ સિવાયના બીજા કોઇ બુટલેગરોની પ્રવૃતિ સબંધક શહેર જીલ્લામાં મોટા પ્રમાણમાં  હોય તો ઉકત હવે યાદીમાં સમાવેશ કરવા માટે જણાવતા જ અનેકવિધ અનુમાનો અને અટકળો જાગી છે.

સીઆઇડી દ્વારા આ માટે એક ખાસ માર્ગદર્શિકા પણ સામેલ રાખવામાં આવી છે. ેજે મુજબ વર્ષ ર૦૧૦ થી ૩૧-પ-ર૦૧૮ની સ્થિતિએ કે સંબંધક લીસ્ટેટ બુટલેગરનં નામ, ગુન્હાઓની વિગત જેમાં દારૂના જથ્થાના સમાવેશ સાથે વિશેષમાં આરોપીઓ કેટલા ગુનહામાં પકડાયા છે કેટલા ગુન્હામાં વોન્ટેડ છે? અટકાયતી પગલાની વિગતો રહેણાક અને ધંધાના સરનામા તથા તેમની જે સ્થળે ઉઠક-બેઠક હોય તેવા સ્થળના નામ પણ શહેર કક્ષાએ  ડીસીબી અને જીલ્લા કક્ષાએ એલસીબી મારફત તૈયાર કરવા પણ  જણાવાયું છે.  સંબંધક બુટલેગર મૃત્યુ પામ્યા હોય તો તેમની પણ વિગતો મોકલવા સીઆઇડી વડા આશીષ ભાટીયાની સુચનાથી સીઆઇડીના આઇજી દિપાંકર ત્રિેવેદીએ સુચના આપી છે.

સીઆઇડી સુત્રોમાંથી સાંપડતા નિર્દેશ મુજબ બુટલેગરોની આર્થિક રીતે કમ્મરતોડી નાખવા માટે આવા ધંધાર્થીઓની મિલ્કતો બાબતે ઇ.ડી.ને જાણ કરવા સો (ઇન્કમ ટેક્ષ)ના નોટબંધી બાદના બેનામી મિલ્કત બાદના સુધારેલા કાયદા મુજબ કાર્યવાહી કરવા એસીબી સાથે સીઆઇડીએ પણ કમ્મર કસી છે. જો કે.  સીઆઇડી દ્વારા આ પ્રક્રિયા લાંબા વર્ષોથી ચાલે છે.

(12:46 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST