Gujarati News

Gujarati News

News of Wednesday, 13th June 2018

રણુજા પાસે ટ્રેકટરે બાઇકને ઠોકરે ચડાવતા ન્યારાના ચીરાગ પટેલનું મોત

ટ્રેકટરને ઓવરટેક કરવા જતાં અકસ્માત સર્જાયોઃ પટેલ યુવાનના મોતથી પરિવારમાં અરેરાટી

રાજકોટ તા.૧૩: રણુજા ગામ આજીડેમ પોલીસ સ્ટેશન નજીક ટ્રેકટરના ચાલકે બાઇકને ઠોકર મારતા ન્યારા ગામના પટેલ યુવાનું મોત નિપજતા અરેરાટી વ્યાપી ગઇ છે.

મળતી વિગતો મુજબ પડધરીના ન્યારાગામમાં રહેતો અને સીએનસી મશીનનુ઼ રીપેરીંગ અને ઓપરેટીંગનું કામ કરતો ચીરાગ નારણભાઇ સાવલીયા (ઉ.વ.૨૩) (પટેલ) ગઇકાલે પોતાનું બાઇક લઇને કામ અર્થે જતો હતો ત્યારે રણુજા ગામ આજીડેમ પોલીસ સ્ટેશન નજીક ટ્રેકટરને ઓવરટેક કરવા જતાં ટ્રેકટર ચાલકે બાઇકને ઠોકર મારતા અકસ્માત સર્જાયો હતો.

બનાવ બનતા આસપાસના લોકો એકઠા થઇ ગયા હતા. ટ્રેકટર ચાલક ટ્રેકટર રેઢુ મુકી ભાગી ગયો હતો. જયારે પટેલ યુવાનનું ઘટના સ્થળે જ મોત નિપજયું હતું. બનાવની જાણ થતાં આજીડેમ પોલીસ મથકના પીએસઆઇ ડી.બી. ગઢવીએ સ્થળ પર પહોંચી તપાસ હાથ ધરી હતી.

મૃતક ચીરાગ બે ભાઇમાં નાનો હતો. આ અંગે પોલીસે ટ્રેકટર ચાલક વિરૂધ્ધ ગુનો દાખલ કરવા તજવીજ હાથ ધરી છે.

(11:22 am IST)
  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • પાકિસ્તાનમાં ઇમરાનખાન વિરુદ્ધ 100 વર્ષની મહિલા લડશે ચૂંટણી ;ઇમરાનખાન પાંચ જગ્યાએથી ચૂંટણીમાં ઝુકાવશે ;મહિલા ઇમરાન સામે બે જગ્યાએથી ચૂંટણી લડશે :હજરત બીવી નામની આ મહિલાએ બનનું અને કે-પી એસેમ્બલી માટે પીકે-89 (બન્નુ 1110 ) થી નામાંકન દાખલ કર્યું છે કન્યા કેળવણીનો મુખ્ય ઉદેશ્ય access_time 1:23 am IST