Gujarati News

Gujarati News

News of Wednesday, 13th June 2018

રાજકોટ માર્કેટયાર્ડમાં મગફળી વિભાગમાં મજુરોની હડતાલઃ ભાવ વધારાની માંગણી

રાજકોટ, તા. ૧૨ :. રાજકોટ (બેડી) માર્કેટયાર્ડમાં મગફળી વિભાગમાં આજે મજુરોએ ભાવ વધારાની માંગણી સાથે અચાનક હડતાલ પાડી દેતા મગફળીની હરરાજી ઠપ્પ થઈ ગઈ હતી.

બેડી યાર્ડમાં મગફળી વિભાગમાં મજુરોએ મજુરીના દરની વધારાની માંગણી કરી આજે હડતાલ પર ઉતરી જતા મગફળીની હરરાજી બંધ રહી હતી. ગઈકાલે જ મજુરીના દર બાબતે મજુરોએ રજૂઆત કરી હતી પણ યોગ્ય કાર્યવાહી ન થતા આજે હડતાલ પાડી હતી.

યાર્ડના સેક્રેટરી બી.આર. તેજાણીએ જણાવ્યુ હતુ કે, મજુરોની હડતાલને કારણે આજે મગફળીની હરરાજી ખોરવાઈ છે. હાલમા મજુરોને ૨૦ કિલો (એક ગુણીએ) પાંચ રૂ. મજુરી અપાઈ છે. મજુરો દ્વારા એક ગુણીએ ૭ રૂ. મજુરીના દર કરવાની માંગણી છે. મજુરોની માંગણી અંગે યાર્ડના સત્તાધીશોને જાણ કરાય છે.

(2:45 pm IST)
  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • અમદાવાદઃ વાણસી સાબરમતી એકસપ્રેસ રદઃ ૧૪ જુનથી ૨૪ જુલાઇ સુધી ટ્રેન સેવા પ્રભાવિતઃ વડોદરા - વારાણસી મહામના એકસપ્રેસ પણ રદ access_time 2:43 pm IST